יושר
- ואל תשקרו איש בעמיתו כי פשטתם את האדם הישן עם פעלותיו׃
אל־הקולומים 3: 9 -
אל תשלמו לאיש רעה תחת רעה דרשו הטוב בעיני כל אדם׃
אל־הרומיים 12: 17 -
כי משגיחים אנחנו על הטוב לא לפני האדון לבד כי גם לפני האדם׃
השנייה אל־הקורינתים 8: 21 -
מאזני מרמה תועבת יהוה ואבן שלמה רצונו׃ תמת ישרים תנחם וסלף בוגדים ושדם׃
משלי 11: 1, 3 -
בפשע שפתים מוקש רע ויצא מצרה צדיק׃ יפיח אמונה יגיד צדק ועד שקרים מרמה׃-
משלי 12: 13, 17 -
מכסה פשעיו לא יצליח ומודה ועזב ירחם׃
משלי 28: 13 -
התודו עונותיכם איש לפני רעהו והתפללו איש בעד רעהו למען תרפאו כי גדול כח תפלת הצדיק הקרא אל אלהים בחזקה׃ -
יעקב 5: 16 -
כי אם מאסנו בסתרי הבשת שלא להתהלך בערמה ולא לזיף את דבר האלהים אלא בהראות האמת נזכיר אתנו לטוב נגד דעת כל בני אדם לפני האלהים׃
השנייה אל־הקורינתים 4: 2