Claims

Jinoenyoe, gata tamong dan gata bloh kheueh bansaboh tanoh nyoe, sabab Ulôn teuma Lôn bri mandum nyan keugata."
Keujadian 13:17
Ingat kheueh, Ulôn kutulông dan Lôn jaga gata, homantong nyang gata jak, dan Ulôn teuma kupuwoe lom gata u nanggroe nyoe. Ulôn hana Lôn tinggai gata sampoe Ulôn peubuet banmandum peue-peue nyang ka lheueh Ulôn meujanji ubak gata."
Keujadian 28:15
"Ulôn teuma Lôn kirém malaikat Lôn leubeh awai nibak gata keu jijak lindong gata watée gatajak dan jiba gata ubak teumpat nyang ka Ulôn keubah.
Keuluaran 23:20
Gata jak kheueh laju jinoenyoe, dan gata ba kheueh awaknyan ubak teumpat nyang ka Ulôn peugah ubak gata. Malaikat Lôn teuma jibimbéng gata teuma watée jih trok jiteuka ureuëng-ureuëng nyan Ulôn huköm sabab desya-desya nyang jipeubuet."
Keuluaran 32:34
Geupeugah lé TUHAN, "Gata Ulôn lindong mangat meuteumé gata cok keuhak milék tanoh nyang ka Ulôn peujanji."
Keuluaran 33:14
Pajan mantong tanoh gata hana jeuet teupeubloe, sabab tanoh nyan bukon atra gata, teuma milék Po teu Allah. Gata cit lagée ureuëng aséng nyang meuteumé idhin gata peuguna tanoh nyan.
Imeum-Imeum 25:23
Tieb-tieb wilayah nyang gata tamong teuma jeuet keu hak milék gata. Wilayah gata beureuntang phon nibak padang pasi di seulatan sampoe trok u Gunong-gunong Libanon di siblaih utara, dan phon nibak Krueng Efrat di siblaih u timu sampoe trok u Laôt Teungoh di siblaih u barat.
Kitab Teu-Ulang 11:24
Beugeubri kheueh beureukat ubak banmandum hase useuha gata.
Kitab Teu-Ulang 28:6
TUHAN kheueh nyang peulheueh ulôn nibak banmandum bala dan nyang peuseulamat ulôn sabab Gobnyan meukeunong keu ulôn.
2 Samuel 22:20
Lakée kheueh, teuma banmandum bansa Ulôn bri keu gata, dan bansaboh bumoe Ulôn peujeuet milék gata.
Zabur 2:8
Awaknyan meurawôh nibak saboh bansa ubak bansa nyang laén, dan geuminah nibak nanggroe nyang saboh ubak nanggroe nyang laén. Teuma TUHAN hana geupeubiyeu soemantong nyang teugom awaknyan; dan deumi awaknyan, raja-raja nanggroe geupeuingat lé Gobnyan, "Bék cuba-cuba peukaru ureuëng-ureuëng piléhan ulôn nyan, dan bék peubuet nyang jeuhet ateueh nabi-nabi ulôn!"
Zabur 105:13-15
Dalam keusosahan nyan awaknyan jimeulakée ubak TUHAN, dan TUHAN pi laju geupeubeubaih awaknyan lam keuadaan meurana. Gobnyan geubimbéng awaknyan rot nyang teupat ubak teumpat tinggai nyang na di banda.
Zabur 107:6, 7
Meunyoe teungoh susah awaknyan jimeulakée ubak TUHAN, dan Gobnyan laju geupeulheueh awaknyan nibak keuseudehan. Angén puteng beuliong nyang teungoh jipot meunan hebat geuyue seungab, dan umbak ié laôt nyang raya pi ka seungab ngon reuda. Awaknyan galak that sabab angén raya ka hana le; dan geuba laju awaknyan ubak peulabohan nyang geutuju.
Zabur 107:28-30
Gobnyan geulindong gata watée gata teuka dan tajak, phon saát nyoe dan siumu masa.
Zabur 121:8
Meunyoe ulôn po rot ufúk timu atawa lôn tinggai seungab di ujong barat nyang paleng jiôh, disinan pih Droeneueh na neutulông ulôn; disinan cit teuma jaroe Droeneueh neubimbéng ulôn.
Zabur 139:9, 10
Meunyoe gata meusimpang nibak rot, dilikot gata teuma teudeungoe su nyang jipeugah, "Nyoe kheueh jalan gobnyan; seutôt kheueh jalan nyoe."
Nabi Yesaya 30:21
"Ulôn kupeusiab rot keu gata; gunong dan bukét Lôn peurata, pintoe-pintoe teumaga Ulôn peuhanco, dan palang-palang beuso Ulôn wiet. Dan keu gata Ulôn bri hareuta keukayaan nyang mantong teusöm, mangat gata tateupeue bahwa Ulôn kheueh, TUHAN, Allah Israel, nyang ka tawök gata deungon nan gata.
Nabi Yesaya 45:2, 3
Sabab nyan, peusampoe kheueh peusan Ulôn nyoe ubak rakan-rakan gata nyang na di teumpat nyang teuböih, bahwa Ulôn kheueh nyang ba awaknyan di jiôh lamkawan bansa-bansa nyang Lôn peusipreuk awaknyan di nanggroe-nanggroe nyan. Teuma teungoh awaknyan mantong na disinan, Ulôn kupeungon awaknyan.
Yehezkiel 11:16
"Lakée kheueh, gata teuma tateurimong. Mita kheueh, teuma gata meuteumé. Tok-tok kheueh, pintoe teuma jipeuhah keu gata.
Matius 7:7
Sabab meuiman, nyang kheueh sabab Nabi Ibrahim geutaát ubak Allah bak watée Allah geutawök gobnyan dan geuyue jak gobnyan u nanggroe nyang ka Allah peujanji nyan. Laju Nabi Ibrahim geujak deungon hana geutuho ho gobnyan teuma geujak.
Ibrani 11:8