Resisting the Devil

Kuasa dan keuagongan Gobnyan teuma jitakot lé soemantong ureuëng phon ditimu meunan cit di barat. Gobnyan teuma teuka lagée ié krueng nyang tajam ji ile nyang jipeuteuka lé angén badée raya.
Nabi Yesaya 59:19
Bak siuroe Isa geuhôi ban dua blaih droe murit Gobnyan keu geujak meusapat. Laju geubri ubak awaknyan kuasa mangat jeuet geu-use roh-roh jeuhet meunan cit jeuet geupeu puléh sigala macam peunyakét dan meubagoe macam cacat tuboh.
Matius 10:1
Ulôn teuma Lôn bri keu gata gunci Donya Barô Allah. Peue nyang gata tham di ateueh bumoe nyoe, nyan pih teu tham lam syeuruga. Dan peue nyang gata peubeutôi di ateueh bumoe, nyan pih geupeubeutôi dalam syeuruga."
Matius 16:19
Teuma Isa geupaleng dan geupeugah ubak murit-murit Gobnyan, laju geuseugah Petrus, "Wéeh keudeh, Peunggoda! Pikeran gata nyan pikeran manusia; kon pikeran Allah!"
Markus 8:33
Isa laju geuhôi bandua blaih droe murit Gobnyan, laju geubri kuasa bak awaknyan keu jeuet jiuse roh jeuhet dan jipeupuléh peunyakét.
Lukas 9:1
Ban tujoh ploh droe murit Isa nyan jigisa ngon até harôk dan ria lumpah na. "Tuhan," kheun awaknyan, "roh-roh jeuhet pih jitaát ubak kamoe meunyoe kamoe peurintah awaknyan ateueh nan Tuhan!"
Lukas 10:17
Butateupeu kheueh! Ubak gata ka ulôn bri kuasa mangat gata jeuet gata giloe uleue ngon kala mubisa dan gata peupatah bubena teunaga musoh, hana sapeue pih nyang hase jipeubala ateueh gata.
Lukas 10:19
Sinjata-sinjata nyang kamoe peuguna lam peujuangan kamoe kon sinjata donya nyoe, teuma sinjata-sinjata Allah nyang meukuasa. Ngon sinjata-sinjata nyan laju kamoe peuhanco bubena kuta-kuta; kamoe tangkeh bubena dobat-dobat dan kamoe peuhanco bubena kuta-kuta keusombongan nyang jipeudong keu jiheuntam peungeutahuan nyang geupeudong lé Po teu Allah. Kamoe teun mandum pikeran manusia dan kamoe peujeuet awaknyan taklôk ubak Almaseh.
2 Korintus 10:4,5
mangat Iblih hana jiteumé keuseumpatan. 28 Ureuëng nyang kalazem buet jih ceumeucue piôh kheueh laju nibak buet lagée nyan. Bah kheueh ureuëng nyan jimubuet mangat meuteumé atra hareukat nyang jujoe dan hase jitulông ureuëng-ureuëng nyang kureueng mampu.
Efesus 4:27
Akhé jih, bah kheueh gata teuga ngon teunaga nyang gata teumé nibak kuasa Tuhan, sabab gata meusaboh ngon Gobnyan. Peuguna kheueh banmandum peuleungkapan prang nyang geubri lé Allah keugata, mangat gata hase meuteun talawan siasat-siasat nyang lisek nibak Iblih.
Efesus 6:10, 11
Bah kheueh gata waspada dan lam siab sabe! Sabab Iblih na kheueh musoh gata. Jihnyan lagée singa jijak keudeh keunoe sira jitaúm jimita eumpeuen. Lawan kheueh jihnyan ngon iman nyang kong, sabab gata tateupeue bahwa syedara-syedara sabe ureuëng Kristen nyang laén bansigom donya saban cit meudeurita lagée gata.
1 Petrus 5:8,9
Teuma ureuëng nyang hana jipiôh-piôh jipeubuet desya na kheueh aneuëk Iblih, sabab Iblih meudesya yoh awaikon. Keunyoe kheueh Aneuëk Allah teuka, na kheueh keugeupeuhanco banmandum buet Iblih.
1 Yahya 3:8
Teuma Aneuëk-aneuëk lôn, gata na kheueh milék Allah. Gata ka tapeutalo nabi-nabi peuleusu, sabab Roh nyang na nibak gata leubeh meukuasa nibak roh nyang na nibak ureuëng-ureuëng milék donya nyoe.
1 Yahya 4:4