Conviction

Peuratoran Droeneueh ulôn peusampoe ubak raja-raja, deungon lagée nyan ulôn hana meuteumé malée.
Zabur 119:46
Teumakot ubak peundapat ureuëng laén, akibat jih na kheueh keusosahan. Peucaya ubak TUHAN, teuma gata aman.
Amsal 29:25
Jak ék kheueh u ateueh gunong nyang paleng manyang, dan peusampoe kheueh haba nyang gét ubak Yerusalem! Meudumpék kheueh deungon su nyang nyareng, dan peusampoe kheueh haba gét ubak Sion! Peugah kheueh ubak banda-banda Yehuda bahwa Po teu Allah awaknyan teuma teuka!
Nabi Yesaya 40:9
TUHAN Nyang Mahamanyang geupeurunoe ulôn peugah haba, mangat tutoe ulôn jeuet teupeukhong ureuëng nyang laéueh. Tieb-tieb beungoh Gobnyan geupeubeudôh hasrat ulôn mangat lôn deungoe ajaran Gobnyan keu ulôn.
Nabi Yesaya 50:4
Teuma TUHAN geujaweueb, "Bék tapeugah gata mantong muda that. Meunyoe Ulôn nyang kirém gata ubak soe mantong, gata harôh tajak, dan banmandum nyang Ulôn yue gata peugah, nyan harôh gata peusampoe ubak awaknyan.
Nabi Yeremia 1:7
Gata Ulôn peujeuet kukôh lagée batée kareueng dan kreueh lagée intan. Bék kheueh tatakot ubak peumbeurontak nyan."
Yehezkiel 3:9
Gata na kheueh trang donya. Banda nyang teuduek di ateueh bukét hana mungken hase teusöm. Hana ureuëng nyang peuhu panyöt, laju jigom panyöt nyan deungon guci. Ureuëng nyan teuma jikeubah panyöt nyan bak teumpat panyöt, mangat jeuet peungéh keu mandum ureuëng nyang na lam rumoh. Meunan cit trang gata harôh meucahya dikeue ureuëng, mangat awaknyan jikalon buet-buet gata nyang gét, laju ji pujoe Bapak gata di syeuruga."
Matius 5:14-16
Meunyoe sidroe ureuëng malée jiangkée Ulôn dan meuneubeuet Ulôn bak jamén nyang jeuhet dan doraka nyoe, Aneuëk Manusia pih teuma malée geuangkée ureuëng nyan, bak watée Gobnyan teuka singoh ngon kuasa Bapak Gobnyan, ji-iréng lé malaikat-malaikat nyang suci."
Markus 8:38
Teuma gata meuteumé kuasa, meunyoe Roh Allah ka teuka ubak gata. Dan gata jeuet keu saksi-saksi keu Ulôn di Yerusalem, bansaboh Yudea, di Samaria dan sampoe u ujong bumoe."
Kisah Rasui-Rasui 1:8
Anggota-anggota sidang peungadelan nyan hireuen that-that watée jikalon keubeuranian Petrus ngon Yahya, peuteuk lom awaknyan jiteupeue bahwa mandua droe rasui nyan na kheueh ureuëng-ureuëng biasa nyang hántom jijak beuet. Laju awaknyan sadar bahwa mandua droe rasui nyan na kheueh ureuëng-ureuëng nyang na jiseutôt ngon Isa.
Kisah Rasui-Rasui 4:13
Petrus dan rasui-rasui nyang laén laju jijaweueb, "Kamoe museuti kamoe seutôt Allah bukon kamoe seutôt manusia.
Kisah Rasui-Rasui 5:29
Ulôn meuiman that nibak Haba Gét nyan, sabab haba nyan na kheueh teunaga Allah keu geupeue seulamat mandum ureuëng nyang meuiman; phon-phon that ureuëng Yahudi, dan bansa nyang laén.
Roma 1:16
Dan meunan cit meudoá kheueh keu ulôn cit teuma, mangat bak watée peugah haba, Allah geubri ubak ulôn tutoe kata nyang paih. Dan mangat ulôn ngon beurani hase ulôn peugah rahsia Haba Gét nyan. Sabab lé Haba Gét nyan, ulôn ka jeuet keusidroe utosan, dan bak watée nyoe kana lam peunjara. Meudoá kheueh mangat ulôn kujeuet peugah haba keuhai Haba Gét nyan, lagée toh ulôn harôh meututoe haba.
Efesus 6:19, 20
Hana! Kamoe hana kamoe meututoe keuneuk peumangat até gob, teuma keuneuk peumangat até Po teu Allah, nyang ujoe até kamoe. Sabab kamoe geuanggab hase lé Allah keuteupeusampoe Haba Gét nyan.
1 Tesalonika 2:4
Sabab nyan bék kheueh malée tabri keusaksian keuhai Tuhan geutanyoe, dan bék teuma malée keuhai ulôn, nyang jipeutamong lam glab sabab lé Gobnyan. Nyang sikeubiet jih, bah kheueh gata ngon teunaga nibak Po teu Allah, meusajan meudeurita lé sabab Haba Gét nyan.
2 Timotius 1:8
Purunoe kheueh banmandum nyan, dan naseuhat kheueh dan marit kheueh ngon ureuëng nyang deungoe ngon peunoh wibawa. Dan bék kheueh meusidroe ureuëng pi nyang jingieng gata deungon hina.
Titus 2:15
Pi-e gata lamkawan ureuëng nyang hana meu Tuhan biet beugét that, deungon lagée nyan meunyoe awaknyan jifiteunah gata sibagoe ureuëng jeuhet, awaknyan teutab jiaku meuneubuet gata nyang jroh, deungon lagée nyan awaknyan jipujoe Allah nibak uroe Gobnyan geuteuka.
1 Petrus 2:12