Vice

Sabab lé ié kreueh sampoe jeuet ureuëng laén kureueng aja dan karu deungon kirôh. Bangai that ureuëng nyang jieb ié nyan sampoe mabök.
Amsal 20:1
Soe nyang peusöm desya ureuëng nyan hana meu-untông. Dan soe nyang jiangkée droe dan jitinggai desya nyan, ureuëng nyan geugaséh lé TUHAN.
Amsal 28:13
Sabab nyan kheueh, meunyoe aneuëk jipeubeubaih gata, gata biet-biet beubaih.
Yahya 8:36
Gata pih harôh gata anggab droe gata maté ateueh desya, teuma udeb lam hubongan nyang krab ngon Allah meulalu Isa. Bék le peubiyeu desya jikuasa udeb gata nyang fana mangat Gata bék taturot keuheundak gata nyang jeuhet. Meunan cit bék teuma Gata seurah anggota tuboh gata ubak kuasa desya keu teupeuguna keu meukeusut-meukeusut nyang jeuhet. Teuma peujok kheueh droe gata ubak Allah sibagoe ureuëng nyang ka geupinah nibak maté ubak udeb. Bie kheueh bansaboh tuboh gata ubak Allah mangat geupeu guna keu geupeubuet keuheundak Allah.
Roma 6:11-13
Syedara-syedara! Allah biet that-that jroh ateueh geutanyoe. Nyang kheueh sabab jih ulôn meulakée ngon meuharab that mangat gata tapeuseumah droe gata sibagoe keureubeuen udeb nyang khusos keu Allah dan nyang that-that teupeugalak até Gobnyan. Iébadat gata ubak Allah nyang sibeuna jih nyang kheueh lagée nyan. Bék gata seutôt atoran-atoran donya nyoe. Peubiyeu mantong Allah geupeujeuet pribadi gata jeuet keu barô, mangat gata meu-ubah. Ngon na lagée nyan gata hase tateupeue keuheundak Allah -- na kheueh peue nyang jroh nyang jeuet keu galak até Gobnyan dan nyang sampoereuna.
Roma 12:1,2
Lam Alkitab na teutuléh lagée nyoe, "Nyang sibeuna jih," feureuman Tuhan, "tieb-tieb ureuëng teuma jiseumah sujut dikeue Ulôn; dan tieb-tieb ureuëng teuma jipeubeuna bahwa Ulôn nyoe kheueh Allah." Ngon lagée nyan tanyoe maséng-maséng harôh tapeutanggong jaweueb peue mantong nyang tapeubuet ubak Po teu Allah.
Roma 14:11,12
Peu kheueh gata teupeu bahwa ureuëng-ureuëng nyang hana jipatéh kheun Allah, hana teuma jeuet keu anggota umat Allah? Bék keunong peungeuet! Ureuëng-ureuëng nyang peubuet cabui, ureuëng-ureuëng seumah beurala, nyang meumukah, nyang peubuet-buet nyang that-that malée ateueh ureuëng sabe jeunéh, nyang ceumeucue, nyang leuha, tukang mabök, nyang galak peubrok ureuëng laén, dan ureuëng nyang meulakée ngon paksa atra ureuëng laén -- banmandum ureuëng nyang lagée nyan hana teuma jeuet keuanggota umat Allah. Na meupadub droe lamkawan gata yoh ilée na nyang peubuet lagée nyan. Teuma jinoenyoe gata teupeugah ka gleh nibak desya. Gata ka jeuet keu milék Allah nyang khusos. Gata ka gét lom teuma ngon Allah, sabab gata meuiman ubak Tuhan Isa Almaseh dan kareuna kuasa Roh nibak Allah geutanyoe.
1 Korintus 6:9-11
Na nyang peugah bahwa soemantong ureuëng jeuet jipeubuet ban galak droe. Teuma nibak ulôn hana banmandum nyan meuguna. Ngon lagée nyan bah kheueh ulôn nyoe jeuet lôn peubuet peue mantong, teuma ulôn teutab hana lôn peubiyeu droe ulôn jikuasa lé peue mantong.
1 Korintus 6:12
Gata harôh tateupeue bahwa tuboh gata na kheueh teumpat tinggai Roh Allah. Rohnyan tinggai lam tuboh gata. Dan Allah keudroe kheueh nyang bri Roh nyan keu gata. Droe Gata nyan kon atra gata. Nyan atra Po teu Allah.
1 Korintus 6:19
Tieb-tieb cubaan nyang Gata rasa na kheueh cubaan nyang ka lazem jirasa lé manusia. Teuma Po teu Allah seutia ubak janji Gobnyan. Gobnyan hana teuma geupeubiyeu Gata jiujoe leubeh nibak keusanggopan gata. Bak watée Gata jiteuka ngon cubaan, Gobnyan laju geubri jalan keugata beujeuet keuteuga mangat Gata hase tameuteun.
1 Korintus 10:13
meunan cit picék até, mabök-mabök, meugura-gura dan laén-laén sibagoe jih. Keu banmandum nyan ulôn peuingat gata jinoenyoe lagée nyang ka lôn peuingat gata yoh masa ilée, bahwa ureuëng-ureuëng nyang jipeubuet hai-hai nyang lagée nyan hana teuma jeuet keuanggota umat Allah. awaknyan miyueb até, dan sabe hase jikuasa droe. Hana huköm agama nyang larang hai-hai nyang lagée nyan.
Galatia 5:21,23
Bék kheueh gata mabök lé ié anggô, sabab nyang lagée nyan teuma jipeurusak gata. Sikeubiet jih, bah kheueh gata jikuasa lé Roh Allah.
Efesus 5:18
Bék lé laloe jieb ié mantong; jieb kheueh bacut ié anggô guna keutulông keumunyoh gata, sabab gata kayém that sakét-sakét.
1 Timotius 5:23
Sabab nyan, bah kheueh gata udeb sabe nyang lagée nyan bagoe lam donya nyoe lagée keuheundak Allah, dan kon lagée keuheundak manusia. Yoh masa ilée, gata ka treb that tapeubuet peue nyang ka jipeubuet lé ureuëng-ureuëng nyang hana jituri Tuhan. Udeb gata hana gét. Nyang gata seutôt hawa nafeusu, mabök-mabök dan laloe bak meu-én, jieb ié kreueh dan seumah beurala nyang biet-biet luwat lagoena. Jinoenyoe ureuëng nyang hana jituri Tuhan, hireuen that bahwa gata hana taudeb lagée awaknyan, jipeubuet desya ngon hana bataih. Nyang kheueh sabab jih awaknyan jihina gata. Teuma awaknyan singoh harôh jipeutanggong jaweueb mandum nyan dikeue Po teu Allah nyang ka siab keugeupeusidang ureuëng nyang udeb dan nyang ka maté. Nyang kheueh sabab jih Haba Gét ka teuma teupeutrok ubak ureuëng nyang ka meuninggai donya. Meukeusut jih mangat awaknyan, nyang ka teupeusidang seucara badan -- lagée hai jih banmandum ureuëng teuma teupeusidang -- hase udeb seucara rohani, meunurot keuheundak Allah. Peue-peue mantong karab that ubak akhé, sabab nyan bah kheueh gata takuasa droe dan teutab waspada, mangat gata hase ta meudoá.
1 Petrus 4:2-7
Meunyoe tanyoe tapeugah bahwa tanyoe hana meudesya, tanyoe ka tapeunget droe teuh keudroe; dan Po teu Allah hana lam até geutanyoe. Teuma meunyoe tanyoe ta-aku desya-desya geutanyoe dikeue Po teu Allah, Gobnyan teuma geupeutrok janji Geuh dan geupeubuet peue nyang ade. Gobnyan teuma geupeu amphon bubena desya-desya geutanyoe dan geupeu gleh geutanyoe nibak mandum buet tanyoe nyang salah.
1 Yahya 1:8,9