Difficulties

Dan lagée nyang ka geupeugah lé TUHAN meulalu Elia, cipe nyan hana putôh-putôh meuaso sabe deungon teupông, dan kaca minyéuk nyan pih hántom tho deungon minyéuk didalam nyan.
1 Raja-Raja 17:16
Gata geujaga nibak fiteunah dan peusuna; gata hadab musibah ngon hana teumakot.
Ayub 5:21
Geupasoe lam awan ngon ié nyang meulimpah-limpah, teuma awan nyan hana beukah sabab lé geuhon ié nyan. Geusöm ruman buleuen pernama di meurandeh awan nyang ka geuleueng nyan. Geugamba gareh meulingka ateueh muka laôt keu teupeu aséng trang nibak seupôt.
Ayub 26:8-10
Gobnyan geupeurintah ubak bansa-bansa deungon peunoh keuadelan, dan geupeuhakém awaknyan deungon cara jujoe. TUHAN nyan teumpat meupayong keu ureuëng nyang keunong tindéeh, dan teumpat meulindong óh trok watée keusosahan.
Zabur 9:9-10
TUHAN geujaga udeb ureuëng saléeh, atra pusaka awaknyan teutab keu siumu masa. Bak watée meukarat awaknyan hana teuma meudeurita, bak watée musém deuk awaknyan geupeuseb deungon peunajoh.
Zabur 37:18,19
Watée ulôn muda sampoe ka tuha lagée nyoe, gohlom na ulôn kalon ureuëng nyang jroh geutinggai lé TUHAN, atawa aneuëk cucoe ureuëng nyan jeuet keu ureuëng geumadée.
Zabur 37:25
Zabur kawöm Korah. Keu peumimpén kor. Deungon ca-e Alamot. Allah na kheueh nyang lindong dan teunaga geutanyoe; Gobnyan sabe lam siab dan mampu geutulông pajan mantong geutanyoe meukarat. Teuma geutanyoe hana teumakot, bahpi bumoe nyoe meuhayak, dan gunong-gunong karam lam laôt raya;
Zabur 46:1-3
Gobnyan kheueh Allah nyang bri keu ulôn seulamat dan keuhoreumatan, Gobnyan kheueh peulindong lôn nyang bila lôn nyang teuga.
Zabur 62:8
TUHAN, Allah Nyang Mahakuasa, soe kheueh nyang na lagée teuga dan teunaga Droeneueh nyan? Droeneueh seutia lam hai peue mantong ya TUHAN.
Zabur 89:9
jeuet jipeugah ubak TUHAN, "Droeneueh kheueh nyang bila dan lindong ulôn, Allah lôn, ubak Droeneueh kheueh ulôn peucaya."
Zabur 91:2
Teuma TUHAN nyang meukuasa di dalam syeuruga, leubeh hebat nibak geulora samudra, dan leubeh teuga nibak umbak nyang meuguncang.
Zabur 93:4
Lé Allah laju geuleueng awan di ateueh ulée umat Gobnyan sibagoe payong, dan apui hu sibagoe suwa óh watée malam teuka. Awaknyan jimeulakée, laju Gobnyan geupeutron cicém puyoh, keu awaknyan geubri ruti nyang geupeutron lam syeuruga sampoe án troe. TUHAN geuplah laju gunong batée, laju jiteubiet ié nyang ji ile lagée aneuk krueng di teungoh-teungoh padang pasi.
Zabur 105:39-41
Angén puteng beuliong nyang teungoh jipot meunan hebat geuyue seungab, dan umbak ié laôt nyang raya pi ka seungab ngon reuda.
Zabur 107:29
Gobnyan teuma geupeupayong nibak mata uroe criet óh watée uroe, dan geupeujeuet nyan teumpat meuceu watée ujeuen raya dan angén badée.
Nabi Yesaya 4:6
Sabab Droeneueh jeuet keuteumpat meu-ungsé keu ureuëng nyang leumoh, teumpat nyang aman nibak ureuëng gasien watée meukarat. Droeneueh kheueh peulindong nibak angén badée, teumpat meupayong lé uroe criet nyang meutala. beuliong watée ujeuen teuka,
Nabi Yesaya 25:4
Meunyoe gata neujeumeurang ié, Ulôn teuma na meusajan gata, gata hana teuma karam dipat mantong gata meuteumé susah. Meunyoe meulalu apui, gata hana teuma angöh, cubaan-cubaan nyang brat hana teuma ceulaka gata.
Nabi Yesaya 43:2
Sabab Ulôn teuma Lôn peu tijöh ié bak tanoh nyang tho, dan nyang peu ile ié krueng-krueng bak tanoh nyang geursang. Ulôn kubri kuasa keu keuturonan gata, dan nyang bri beureukat keu aneuëk cucoe gata.
Nabi Yesaya 44:3
TUHAN nyan gét, Gobnyan geulindong umat Geuh bak watée susah, Gobnyan geujaga ureuëng nyang meulindong ubak Gobnyan.
Nahum 1:7
Naleueng lam padang uroe nyoe timoh dan singoh ka habéh teutot. Teuma Po teu Allah geupeusaneut naleueng nyan sampoe gagah bukon lé. Peu kheueh gatanyoe! Teuma gata kureueng peucaya! Bék khawate dan tapeugah, 'Peue nyang teuma tanyoe pajoh,' atawa 'peue nyang teuma geutanyoe ngui'?
Matius 6:30, 31
"Pakon gata teumakot?" kheun Isa. "Peu kheueh gata kureueng peucaya keu Ulôn!" Óh lheueh nyan Isa laju geudong dan geudhôt laju angén badée dan ié danau nyang meu-umbak nyan. Dan watée nyan cit teuma ié danau nyan ka jeuet keureda. Murit-murit Isa hireuen. Awaknyan jimarit sabe keudroe-droe, "Ureuëng peu kheueh Gobnyan nyoe, sampoe angén dan umbak pih jiturot peurintah Gobnyan!"
Matius 8:26, 27
Butateupeu kheueh! Ubak gata ka ulôn bri kuasa mangat gata jeuet gata giloe uleue ngon kala mubisa dan gata peupatah bubena teunaga musoh, hana sapeue pih nyang hase jipeubala ateueh gata.
Lukas 10:19
Peu kheueh nyang hase jitam Almaseh geugaséh tanyoe? Peu kheueh hase keusosahan nyang seugah nyan, atawa payah, meunan cit ngon teu iénanya, atawa ngon deuek, meunan cit ngon gasien, atawa bahya, meunan cit ngon maté? Lam Alkitab na teutuléh lagée nyoe, "Siuroe seupôt kamoe udeb lam bahya mawöt lé sabab Droeneueh. Kamoe jipeusaneut lagée bubiri nyang keuneuk jisie." Hana! Nyang beutôi lam banmandum nyan geutanyoe meuteumé meunang nyang sampoereuna lé Gobnyan nyang gaséh geutanyoe! Sabab ulôn peucaya that bahwa bansigom donya, bah kheueh maté meunan cit udeb, bah kheueh malaikat meunan cit nyang mat kuasa, bah kheueh ancaman-ancaman nyang teuka jinoenyoe meunan nyang ancaman nyang teuka singoh atawa teunaga-teunaga nyang laén; bah kheueh hai-hai nyang na di langét, meunan cit hai-hai nyang na lam bumoe atawa peue mantong nyang laén, banmandum nyan hana hase jitam Po teu Allah geugaséh geutanyoe, lagée nyang ka geutunyok rot Isa, Tuhan geutanyoe.
Roma 8:35-39
Kamoe jiheuntam wie ngon uneuen, teuma kamoe teutab hana meuseupet. Kamoe bingong, teuma hana sampoe putôh asa. Jai that nyang jimeumusoh ngon kamoe, teuma kamoe hántom na kamoe tinggai sidroe. Dan bah kheueh kamoe kayém that jipoh sampoe reubah, teuma kamoe hana maté.
2 Korintus 4:8,9
Ngon lagée nyan ureuëng inong nyan laju jiplueng u padang pasi, ubak teumpat nyang ka geukeubah lé Po teu Allah keu inong nyan. Nibak teumpat nyan jihnyan teupeulara nyang treb jih na 1260 uroe.
Wahyu 12:6