חכמה

  • יהוה נחני בצדקתך למען שוררי הושר לפני דרכך׃ תהלים 5: 8
  • דרכיך יהוה הודיעני ארחותיך למדני׃הדריכני באמתך ולמדני כי אתה אלהי ישעי אותך קויתי כל היום׃ תהלים 25: 4, 5
  • ידרך ענוים במשפט וילמד ענוים דרכו׃ תהלים 25: 9
  • הורני יהוה דרכך ונחני בארח מישור למען שוררי׃ תהלים 27: 11
  • אשכילך ואורך בדרך זו תלך איעצה עליך עיני׃ תהלים 32: 8
  • מיהוה מצעדי גבר כוננו ודרכו יחפץ׃ תהלים 37: 23
  • בעצתך תנחני ואחר כבוד תקחני׃ תהלים 73: 24
  • גל עיני ואביטה נפלאות מתורתך׃ תהלים 119: 18
  • נר לרגלי דברך ואור לנתיבתי׃ תהלים 119 : 105
  • פתח דבריך יאיר מבין פתיים׃ תהלים 119: 130
  • השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃ תהלים 143: 8
  • בטח אל יהוה בכל לבך ואל בינתך אל תשען׃בכל דרכיך דעהו והוא יישר ארחתיך׃ משלי 3: 5, 6
  • בהתהלכך תנחה אתך בשכבך תשמר עליך והקיצות היא תשיחך׃ משלי 6: 22
  • ואזניך תשמענה דבר מאחריך לאמר זה הדרך לכו בו כי תאמינו וכי תשמאילו׃ ישעיה 30: 21
  • והולכתי עורים בדרך לא ידעו בנתיבות לא ידעו אדריכם אשים מחשך לפניהם לאור ומעקשים למישור אלה הדברים עשיתם ולא עזבתים׃ ישעיה 42: 16
  • אדני יהוה נתן לי לשון למודים לדעת לעות את יעף דבר יעיר בבקר בבקר יעיר לי אזן לשמע כלמודים׃ ישעיה 50: 4
  • ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃ ישעיה 58: 11
  • ידעתי יהוה כי לא לאדם דרכו לא לאיש הלך והכין את צעדו׃ ירמיה 10: 23
  • בבכי יבאו ובתחנונים אובילם אוליכם אל נחלי מים בדרך ישר לא יכשלו בה כי הייתי לישראל לאב ואפרים בכרי הוא׃ ירמיה 31: 9
  • כי באמונה נתהלך ולא בראות עינים׃ השנייה אל־הקורינתים 5: 7
  • כי דבר האלהים חי הוא ופעל גבורות וחד מחרב פיפיות ונכנס עד להבדיל בין נפש לרוח ובין הדבקים למוח ובחן מחשבות לבב ומזמותיו׃ אל־העברים 4: 12
  • ויאמר אל השפטים ראו מה אתם עשים כי לא לאדם תשפטו כי ליהוה ועמכם בדבר משפט׃ דברי הימים ב 19: 6
  • אז תבין יראת יהוה ודעת אלהים תמצא׃כי יהוה יתן חכמה מפיו דעת ותבונה׃ משלי 2: 3, 5, 6
  • לאדם מערכי לב ומיהוה מענה לשון׃ משלי 16: 1
  • אנשי רע לא יבינו משפט ומבקשי יהוה יבינו כל׃ משלי 28: 5
  • ונחה עליו רוח יהוה רוח חכמה ובינה רוח עצה וגבורה רוח דעת ויראת יהוה׃והריחו ביראת יהוה ולא למראה עיניו ישפוט ולא למשמע אזניו יוכיח׃ ישעיה 11: 2, 3
  • והילדים האלה ארבעתם נתן להם האלהים מדע והשכל בכל ספר וחכמה ודניאל הבין בכל חזון וחלמות׃ דניאל 1: 17
  • ואיש מכם כי יחסר חכמה יבקשנה מאלהים הנותן לכל בנדיבה ובאין גערה ותנתן לו׃ יעקב 1: 5
  • השמיעני בבקר חסדך כי בך בטחתי הודיעני דרך זו אלך כי אליך נשאתי נפשי׃ תהלים 143: 8
  • למדני לעשות רצונך כי אתה אלוהי רוחך טובה תנחני בארץ מישור׃למען שמך יהוה תחיני בצדקתך תוציא מצרה נפשי׃ תהלים 143: 10 , 11
  • ישמע חכם ויוסף לקח ונבון תחבלות יקנה׃ משלי 1: 5
  • דרך אויל ישר בעיניו ושמע לעצה חכם׃ משלי 12: 15
  • הפר מחשבות באין סוד וברב יועצים תקום׃ משלי 15: 22
  • שמע עצה וקבל מוסר למען תחכם באחריתך׃ משלי 19: 20
  • מחשבות בעצה תכון ובתחבלות עשה מלחמה׃ משלי 20: 18
  • כי בתחבלות תעשה לך מלחמה ותשועה ברב יועץ׃ משלי 24: 6
  • אל תשפטו למראה עין כי אם משפט צדק שפטו׃ יוחנן 7: 24
  • אבל החכמה אשר ממעל בראשונה צנועה היא אף אהבת שלום ומכרעת לכף זכות ואיננה עמדת על דעתה ומלאה רחמים ופרי טוב בלא לב ולב ובלי חנפה׃ יעקב 3: 17
  • זאת הפעם השלישית אשר אבוא אליכם על פי שנים עדים או שלשה עדים יקום כל דבר׃ השנייה אל־הקורינתים 13: 1