Jesus, the Son of God - The Trinity


  • Na Kalou sa tukuna, "Medatou bulia mada na tamata me vakataki kedatou, me rairai vakataki kedatou, me ra lewa na vei ika kecega mai wai, na veimanumanu vuka e macawa kei na manumanu kecega ni vanua kei na veika kecega sa qasi voli e delai vuravura."
    Vakatekivu 1:26
  • Na Kalou o Jiova sa tukuna, "Raica na tamata sa vakataki Kedatou, me kila na vinaka kei na ca. Oqo de qai taura talega na vua ni kau ni bula, ka kania, ena qai bula ka sega ni mudu"
    Vakatekivu 3:22
  • "Mo ni rogoca na Isireli, o Jiova na noda Kalou, o Jiova sa dua ga!
    Vakarua 6:4
  • Ni sa sucu mai e dua na Gone me noda, sa soli mai vei keda e dua na Gonetagane, ena tu ena ligana na kaukauwa ni matanitu, na Yacana ena vakatokai o ai Qoroqoro, na Daunivakasala, na Kalou Kaukauwa, na Tama ni Gauna Sega ni Mudu, na Ravouvou ni Sautu.
    Aisea 9:6
  • "Sai kemudou na Noqui vakadinadina," sa tukuna o Jiova, "Kei ira na Noqu tamata ka'u sa digitaka, mo dou sa kunea ka vakadinati Au, ka kila ni sai Au o Koya, sa sega na Kalou ka bula e liu ka muri oi Au, ka na sega e dua me na taravi Au.
    Aisea 43:10
  • "Sa tukuna vaka oqo o Jiova, na nodra Tui na Isireli, o Koya na nodra i Vakabula, o Jiova ni lewe vuqa: 'Oi Au nai matai Oi Au nai tinitini; e sega tale ni dua na Kalou e taravi Au.
    Aisea 44:6
  • "Dou toro mai vei Au, ka rogoca, Au sega ni dau vosa ena vanua vuni tekivu mai nai vakatekivu; mai nai vakatekivu Au sa bula tiko, o koya sa talai au mai oqo, na Kalou o Jiova kei na Yalona."
    Aisea 48:16
  • "Sa tu vei au na Yaloi Jiova na Kalou, baleta ni sa lumuti Au o Jiova, Me'u vunautaka nai rogorogo vinaka vei ira na dravudravua; sa talai Au mai me'u vakabulai ira sa kavoro na yalodra, Me'u vunautaka na galala vei ira na vesuki tu, kei na dolavi ni vale ni veivesu vei ira na sogoti tu;
    Aisea 61:1
  • "Au na kacivaka na lewa, sa tukuna vei au o Jiova, 'O iko ga na Luvequ, ena siga oqo au sa vakatuburi iko kina.
    Psalm 2:7
  • Sa tukuna o Jiova, vua na noqu Turaga, "Mai dabe ena Ligaqu i matau, me yacova ni ra sa i butubutu ni Yavamu na kemu meca."
    Psalm 110:1
  • "Ka raica, ena bukete e dua na goneyalewa, ka na vakasucuma e dua na gonetagane, ena vakatokai me yacana o Imanueli," kena i balebale, "Na Kalou sa tiko vata kei keda."
    Maciu 1:23
  • Ni sa papitaisotaki oti sa lamata cake mai ena loma ni wai, ka raica, o Lomalagi sa dolavi vua, ka sa raica o koya na Yalo ni Kalou ni sa lako sobu mai vua me vaka na ruve ka mai toka Vua. Ka vakasauri sa rogo mai Lomalagi e dua na domo ka vaka, "O koya oqo na Noqu Gone ni Toko, sa dau vakamarautaki Au vakalevu."
    Maciu 3:16-17
  • Okoya mo dou lako ki na vei matanitu kecega ka vakatisaipelitaki ira, dou papitaisotaki ira ena yaca ni Tamada kei na Luvena kei na Yalo Tabu,
    Maciu 28:19
  • Sauma vei koya o Jisu, ka vaka, nai vakaro bibi duadua oqo: Ni rogoca na Isireli, o Jiova na noda Kalou, sa duabau o Jiova.
    Marika 12:29
  • Sa tukuna na daunivolatabu, "Totoka dina na nomu vosa, qasenivuli. Na ka dina koni tukuna tiko ni dua na Kalou, ka sega tale e dua, ia o koya ga.
    Marika 12:32
  • Sa tukuna vua na agilosi ka vaka, ena lako mai vei iko na Yalo Tabu, na kaukauwa i Koya sa cecere sara ena vakayacora vei iko; o koya oqo na gone ena sucu e ka tabu ni sa vakatokai me Luve ni Kalou.
    Luke 1:35
  • Ka tukuna, "tamaqu, kevaka sa Nomuni lewa oqo, ni kauta tani vei Au na bilo oqo; ia me kakua ni Noqu lewa, na Nomuni lewa ga me vakayacori."
    Luke 22:42
  • Sa bula tiko na Vosa, qai yaco na i tekitekivu, na Vosa sa tiko vata kei na Kalou, na Vosa ga, o ya na Kalou.Sa tiko vata kei na Kalou mai na i tekitekivu. Sa buli na ka kecega mai vei Koya, ke sega o Koya sa sega na ka e buli me buli rawa.
    Joni 1:1-3
  • Sa yaco me tamata na Vosa, ka sa mai tiko vata kei keda, ka keitou sa raica na Nona i ukuuku ni luvena e dua bauga mai vei Tamana, sa sinai sara ena yalololoma kei na dina.
    Joni 1:14
  • Sa sega sara e dua sa raica na Kalou, ena dua na gauna. Na Luvena e duabau ga, o Koya sa tiko ena lomaserei Tamana, me vaka sa vosa kina o Tamana ena Vukuna.
    Joni 1:18
  • "E Yalo na Kalou, o ira na lotu Vua e dodonu me ra lotu vakayalo, ena dina talega."
    Joni 4:24
  • Era sa qai sasaga vakaukauwa tikoga na Jiu me ra vakamatei Koya, sega ni Nona voroka nai vunau ni siga ni vakacecegu, baleta talega ni sa tukuna o Koya ni sa Tamana na Kalou, ka cakava me rau tautauvata kei na Kalou.
    Joni 5:18
  • "Oqori, Au sa tukuna kina vei kemudou ni dou na mate ena nomudou i valavala ca; kevaka dou sa sega ni vakabauta ni sa i Au ga, dou na mate ena nomudou i valavala ca."
    Joni 8:24
  • Sa tukuna vei ira o Jisu, "Na dina levu Au sa tukuna yani oqo, ni se bera o Eparama, OI AU GA."
    Joni 8:58
  • "Oi Au kei Tamaqu sa dua ga."
    Joni 10:30
  • Era sa sauma Vua na Jiu ka vaka: "Keimami sa sega ni via vakaviriki Iko ena vuku ni cakacaka vinaka, ena vuku ni vosa vakacataka na Kalou, baleta ni o iko na Tamata ka o sa tukuna ni o Kalou."
    Joni 10:33
  • Sa sauma vua o Jisu, "Oi Au ga na sala, na dina, na bula. Sa sega ni rawa na lako vua na Kalou, (Tamaqu) vakavo ke lako mai vei Au.
    Joni 14:6
  • Sa sauma vua o Jisu, "Au sa tiko vakadede kei kemudou, ia, dou se sega ga ni kilai Au, Filipe? O koya sa raici Au, sa raica na Tamaqu; dou tukuna rawa vakacava vei Au, Me'u vakaraitaka na Tamaqu?" Dou sa sega ni vakabauta Ni'u sa tu vei Tamaqu, o Tamaqu sa tu vei Au? Na vosa Au sa vosa kina vei kemudou, Au sa sega ni vosa vakai Au ga, o Tamaqu sa tiko vei Au sa cakava na cakacaka oqo. "Dou vakabauti Au baleta Ni'u sa tu vei Tamaqu kei Tamaqu sa tu vei Au, se, dou vakabauti Au ena vuku ni veika sa caka oti."
    Joni 14:9-11
  • "Au na qai masuti Tamaqu ena solia vei kemudou o Koya e dua na Dauniveivukei, me tiko vata kei kemudou ka sega ni mudu, "Sai Koya na Yalo ni Dina, o vuravura ena sega ni rawa ni ciqoma baleta ni sa sega ni raici Koya se kilai Koya; ia dou sa kilai Koya ni sa tiko vei kemudou o Koya ka dau curumi kemudou.
    Joni 14:16-17
  • "Ia, na Dauveivuke na Yalo Tabu, o Koya ena tala mai o Tamaqu ena Yacaqu, ena vakavulici kemudou ena veika kecega, ka na kauta lesu mai vei kemudou na vakananumi ni veika kece Au sa dau tukuna vei kemudou.
    Joni 14:26
  • Dou sa rogoci Au, ni'u sa tukuna vei kemudou, Au sa na lako, ka Au na lesu tale mai vei kemudou. Kevaka dou sa lomani Au, dou na marau baleta Ni'u sa tukuna, Au sa lako vei Tamaqu; ni sa levu o Tamaqu mai vei Au.
    Joni 14:28
  • "Ni sa lako mai na "Dauniveivukei" oqo, o Koya Au na tala vei kemudou mai vei Tamaqu, na Yalo ni Dina sa lako mai vei Tamaqu, ena vakadinadinataki Au.
    Joni 15:26
  • "Oqo, na bula sega ni mudu, mera kilai Kemuni na Kalou Dina Duadua ga, kei Jisu Karisito o Koya o ni a tala mai.
    Joni 17:3
  • "kei na lagilagi o ni sa solia mai vei Au, Au sa solia vei ira, me ra dua bau kina me vaka Daru sa duabau. "Oi Au vei ira oi Kemuni vei Au; mera vakataucokotaki kina me dua, me kila kina o vuravura ni o ni sa talai Au mai, ka o ni sa lomani ira me vaka o ni sa lomani Au.
    Joni 17:22-23
  • E mai vakaraitaka ni o Koya na Luve ni Kalou, ena kaukauwa ni Yalo Tabu, ena Nona tucake mai na mate.
    Roma 1:4
  • Ni sa dua ga na Kalou, sa vakadonui ira sa cili ena vuku ni vakabauta, kei ira talega na sega ni cili ena vuku ni vakabauta.
    Roma 3:30
  • Ia kevaka sa tiko vakadua e na lomamudou na Yaloi Koya sa vakaturi Jisu cake tale mai na mate, o Koya sa vakaturi Karisito tale mai na mate, ena vakavouya tale na yagomudou mai na mate, ena Yalona sa tiko vakadua ena lomamudou.
    Roma 8:11
  • Me vaka sa tukuna oti nai Vola Tabu: "Sa sega na mata sa kunea, se na daliga sa rogoca, ka sa sega ni curu kina yalo ni tamata, na veika sa vakarautaka na Kalou me nodra o ira sa lomani koya." Ia na Kalou sa vakatakila mai vei keda ena Yalo Tabu. Na Yalo Tabu e kila ka vakadikeva vakavinaka na ka titobu ni Kalou, qai vakatakila mai vei keda.
    1 Koronica 2:9-10
  • Dou sa sega beka ni kila ni dou sa vale ni Kalou, ka sa tiko vei kemudou na Yalo ni Kalou?
    1 Koronica 3:16
  • Io vei keda e dua ga na Kalou, na tamada ka vu mai vua na ka kecega, oi keda eda sa nona, e dua ga na turaga o Jisu Karisito, sa bulia o koya na ka kecega, eda sa bula ena vukuna.
    1 Koronica 8:6
  • Ia na vua ni Yalo Tabu na loloma, na reki, na vakacegu, na dauvosota vakadede, na dauyalololoma, na dauyalovinaka, na vakabauta, Na dauyalomalua, na dauyalomalumalumu. Na veika oqori sa sega ni ia kina na cudruvi ena vunau.
    Kalatia 5:22-23
  • Ena vukuna, eda rawa ni torova doudou nai tikotiko ni Kalou na Tamada, ena yalo e dua bauga.
    Efeso 2:18
  • Ni dua ga na yago ka dua na yalo, sa dua ga nai nuinui dou sa kacivi kina; Sa dua ga na Turaga, sa dua na vakabauta, sa dua na veipapitaisotaki; Sa dua ga na Kalou ka tamada kecega, o Koya sa lewa na ka kecega, sa vakavuna na ka kecega, ka sa tiko kei kemudou kecega.
    Efeso 4:4-6
  • Me nomudou na loloma kei na vakacegu ni Kalou na Tamada kei na Turaga o Jisu Karisito.
    Filipai 1:2
  • Me tiko vei kemudou na vakanananu oqo ka tu talega vei Karisito. O koya, nai rairai dina ni Kalou, e sega ni vakasama ni sa butako ena nona vakatautauvatani kei na Kalou, Ia sa kauti koya sobu me kua ni dokai, ka kauta vua nai tovo ni tamata dauveqaravi, e tautauvata sara ga kei na tamata. E laurai ena nona bula ni vaka dina na tamata, e vakamalumalumutaki koya ka talairawarawa me mate, io me mate ena kauveilatai. O koya oqo, sa vakalevulevui Koya cake kina na Kalou, ka solia vua e dua na yaca, sa uasivi cake ena yaca kecega,
    Filipai 2:5-8
  • Na Kalou e sega ni laurai rawa, o Koya ga sai vakaraitaki ni Kalou, se bera na ka bula kecega sa bula tu mai o Koya. O Koya ga e bulia na ka kecega mai lomalagi kei na ka e tu e vuravura, na kena e laurai kei na kena e sega ni laurai, na veitikotiko vakaturaga na veimatanitu, o ira na lewa tu na butobuto kei na kaukauwa kecega. E bulia na ka kecega oqori o Koya, ka lewa talega. Sa bula e liu o Koya sa muri na ka kecega, na vakavotukanataki ni ka kecega e yaco ena vukuna.
    Kolosa 1:15-17
  • O Koya sai sosomi ni Kalou e vuravura ena nona mai bula vakatamata, ka sa vakasinaiti tu vua na kaukauwa ni Kalou kecega.
    Kolosa 2:9
  • Me tubera na yalomudou na Turaga ki na nona loloma na Kalou, kei na dauvosota i Karisito.
    2 Cesalonaika 3:5
  • Ni sa dua ga na Kalou ka dua na dauveisorovaki ena maliwa ni tamata kei na Kalou, sa i Koya oqori o Jisu Karisito.
    2 Cesalonaika 2:5
  • Ni o koya sa vakabulai keda ka kacivi keda ena kaci e savasava, a sa sega ena vuku ni noda cakacaka, ia ena nona lewa ga kei na loloma, ka sa qai mai vakavotuya vei keda o Jisu Karisito, sa nakiti sara tu mai ni se bera ni tekivu o vuravura.
    2 Cesalonaika 1:9
  • Ni da waraka na i nuinui bulabula kei na Nona rairai vakaiukuuku, na Kalou levu ka noda i vakabula o Jisu Karisito,
    Taitusi 2:13
  • O Koya na rarama serau ni Nona i ukuuku, kei na kena veiucui dina kei na Kalou kei na kena maroroi kei na kena laveti cake tiko na ka kece, ena kaukauwa ni Nona vosa, o Koya ga vakai Koya sa kauta tani na noda i valavala ca, ka sa qai dabe tiko oqo ena yasana i matau i Koya sa cecere sara.
    Iperiu 1:3
  • Ia, ki vua na Luvena sa tukuna kina o Koya: "Na Nomuni tikotiko na Kalou sa sega ni mudu;" "nai tutu ni dodonu sai tutu ni Nomuni matanitu."
    Iperiu 1:8
  • Sa qai vakacava sara na kena kaburaki na dra i Jisu Karisito, o Koya ena vuku ni yalo e sega ni mudu, sa soli Koya kina vua na Kalou ni sa sega na tikina e ca, dou vakasavasavataka na nomudou lewa e loma mai na cakacaka sa mate ka qarava na Kalou bula?
    Iperiu 9:14
  • O Jisu sa sega ni veisau rawa, mai na veisiga sa oti, e daidai kei na veisiga ni mataka.
    Iperiu 13:8
  • Oi au o Pita nai apositoloi Jisu Karisito, kivei ira sa nona na Kalou ka ra dui veilakoyaki tu ki Ponito, ki Kalatia, ki Kapatosia, ki Esia kei Picinia. Ka era sa digitaki tu me vaka nona lewa na Kalou o Tamada, ka mera vakasavasavataki ena Yalo Tabu, ka vakamiraki tiko vei ira na dra i Jisu Karisito ena nodra talairawarawa. Ka me vakalevutaki vei kemudou na loloma kei na vakacegu.
    1 Pita 1:1-2
  • O koya keitou a raica, ka rogoca ka tukuna vei kemudou, ni dodonu mo dou mai veitokani kei keitou; na neitou veitokani, keitou veitokani dina kei tamada kei na luvena o Jisu Karisito.
    1 Joni 1:3
  • Ni ratou sa lewe tolu sa tukutuku tiko mai lomalagi: O Tamada, na vosa kei na Yalo Tabu; ratou sa duavata na tolu oqo. Ka ratou lewe tolu talega sa tukutuku tiko e vuravura: na Yalo, na wai kei na dra; ratou sa dua ga na tolu oqo.
    1 Joni 5:7-8
  • Eda sa kila ni sa lako mai na luve ni Kalou ka solia vei keda na vuku, me rawa ni da kilai Koya kina na vuni dina; nida sa tuvata kei na vuni dina, o Jisu Karisito na luvena. Sai Koya oqo na Kalou dina, kei na vuni bula e sega ni mudu.
    1 Joni 5:20
  • "Oi Au na Alifa kei na Omeka, nai Vakatekivu kei nai Vakataotioti," sa tukuna na Turaga, "O koya ka bula e liu, e bula e daidai, ena bula talega mai muri, o Koya sa Kaukauwa sara."
    Vakatakila 1:8