Rest and Sleep


  • Ia o na qai nuidei, baleta ni sa tu nai nuinui; Io, o na vakekeli voli, ka tiko sobu ena vakacegu. O na dabe sobu talega, ka na sega ni dua me vakarerei iko; Io, e lewe vuqa era na kerea na nomu veitokoni.
    Jope 11:18,19
  • Au a davo ka moce; au sa yadra tale, sa maroroi au tikoga na Kalou.
    Same 3:5
  • Au sa davo ena vakacegu, ka moce talega, ni sai kemuni duadua ga Jiova, na vuni noqu tiko vinaka.
    Same 4:8
  • O na sega ni rerevaka na ka dauveivakarerei ena bogi, se na gasau sa vuka voli ena siga,
    Same 91:5
  • E na sega ni yaga na nomudou yadra ena mataka, ka cakacaka tiko me bogi sara, ka kania na kakana ni oca; ni sa solia ga na Kalou, na moce vinaka, vei ira sa lomana.
    Same 127:2
  • Ni o sa davo sobu o na sega ni rere, Io, ena kamikamica sara na nomu moce.
    Vakaibalebale 3:24
  • Na nona moce na tamata daucakacaka sa rui kamikamica, Ke sa kana vakalailai se kana vakalevu; Ia, na levu ni nona i yau ena sega ni vakatarai koya me moce.
    Dauvunau 5:12
  • Ena curu yani ki nai vakavakacegu o koya; ka na laki davoca me vakacegu ena nonai davodavo, era na tacake tu ni ra sa lako tu.
    Aisea 57:2
  • "Kevaka mo vagolea tani na yavamu nai na Siga ni Vakacecegu, ka mo cakava kina na ka e marautaka na yalomu, ka tukuna ni Siga ni Vakacecegu e siga marautaki dina vei iko, na Siga ni Vakacecegu i Jiova e siga dokai, mo dokai Koya kina, mo kakua ni cakava kina me nomu marau vakalialia, me kakua ni siga ni nomu veilakoyaki, se mo vosataka kina na veivosa e sega kilikili, O na qai rekitaki Jiova tikoga, Au na qai vakayacori iko mo vodoka na veivanua cecere e vuravura, ka vakani iko e nai votavota i Jekope na tamamu. Ni sa cavuta dina na vosa oqo na gusu i Jiova."
    Aisea 58:13, 14
  • O koya oqo, ni dou kana se gunu, se so tale na ka dou cakava, mo dou cakava me vakalagilagi kina na Kalou.
    1 Koronica 10:31
  • Sa qai vo tiko oqo e dua nai vakavakacegu me nodra na tamata ni Kalou. Ni o koya sa curu ki na Nona i vakavakacegu sa cegu talega mai na nona cakacaka me vaka sa cegu na Kalou mai na Nona cakacaka.
    Iperiu 4:9,10