Strength
- 'Ni sa Kalou o Jiova na nomuni Kalou o Koya sa lako vata tiko kei kemuni, me valuti ira na meca ena vukumuni, me vakabulai kemuni.'
Vakarua 20:4 - "Au sa sega li ni vakarota vei iko? Mo kaukauwa ka doudou sara; mo kua ni dau rere se yalolailai, ni sa tiko vata kei iko o Jiova na nomu Kalou ena vanua kecega o lako kina." Sa Lewai Me Sa Takosovi Na Joritani
Joshua 1:9 - Ka sa tukuna o Tevita vei Solomoni na luvena, "Mo kaukauwa ka mo yalo doudou, ka cakava; kakua ni o rere se taqaya: O Jiova na Kalou — noqu Kalou — ena tiko vata kei iko. O Koya ena sega ni biuti iko se lako tani mai vei iko, me yacova sara ni o sa vakaotia na cakacaka kecega ni veiqaravi ena vale i Jiova.
1 Veigauna 28:20 - "E tu vata kei koya na mataivalu yago walega; ia vei keda o Jiova na noda Kalou, me vukei keda ka me vala ena vukuda." Era sa qai vakaukauwataki na tamata e na vosa i Esekaia na tui Juta.
2 Veigauna 32:8 - Sa qai vosa vei ira na tamata, "Mo ni lako ka kania na kena uro ka gunuva na kena kamikamica, ka vakauta nai votavota vei ira sa sega ni votai vei ira; ni sa tabu na siga oqo me nei Jiova, me kua ni dua e rarawa baleta na marautaki ni Turaga o Jiova sa vu ni noda kaukauwa."
Niemaia 8:10 - Mai na gusudra na lalai kei ira se qai sucu tiko, o ni sa vakadeitaka na kaukauwa, o ira kece na kemuni meca, era sa vakagalui, o ira kece na daubole, e ra sa vakadrukai.
Same 8:2 - Ena Vukumuni, au na bolea kina na mataivalu, ena vuku ni noqu Kalou, au na ladeva kina na bai ni valu. Ni sa Kalou ga o Jiova, sa taucoko ga na nona sala: na vosa i Jiova sa vakadinadinataki; o koya nai sasabai vei ira sa vakararavi vua. Na Kalou ga sa vakayaragitaki au ena kaukauwa, ka sa cakava me taucoko na noqu i lakolako.
Same 18:29, 30, 32 - E so era sa vakararavi ki na kareti; e so era vakararavi ki na ose; io, oi keda me da nanuma na yaca ni noda Kalou o Jiova.
Same 20:7 - Ena reki tiko na Tui ena Nomuni kaukauwa, Jiova; ena Nomuni veivakabulai sa ka levu sara na nona reki!
Same 21:1 - E rawa ni yali vakadua na yaloqu, kevaka me'u a sega ni yalovinaka vei Jiova e na nodra vanua na bula. Waraki Jiova ga mo tamata qaqa, e na qai vakaukauwataka na yalomu, mo wawa, au sa tukuna!
Same 27:13, 14 - O Jiova na noqu Kaukauwa, na noqu i sasabai; Au sa vukei, baleta sa kabiti Koya na yaloqu. O koya oqo, au sa reki kina vakalevu, Au na sere ka rekitaki koya vakalevu. O Jiova sa noqu kaukauwa, sa i Koya nai vakadei ni nona vakabulai na Nona i lumuti.
Same 28:7, 8 - Sa voleka o Jiova vei ira sa ramusu na yalodra, sa vakabulai ira sa dasila na yalodra.
Same 34:18 - O Jiova ena vakabula na yalodra na Nona tamata, sa sega ni dua e vakararavi vua me na vakacacani.
Same 34:22 - O ira sa vakalouvinakataki mai vei Koya, era na taukena na vanua, ia o ira sa cudruvi mai vei koya, era na muduki tani. O Jiova, sa vakarautaka na nodra i kalawa na tamata vinaka, ka sa taleitaka na nodra i valavala.
Same 37:23, 24 - O ira na daubasu lawa, era na vakarusai; na mataka nei koya na tamata ca, ena muduki laivi.
Same 37:39 - Na Kalou, o Ni sa vakavoliti au mai na gauna ni cauravou; ka yacova na siga oqo, au se tukuna tikoga na Nomuni cakacaka vinaka. Oqo au sa qase mai ka sikoa na uluqu, Na Kalou, mo Ni kua ni biuti au, me yacova ni'u sa tukuna na Nomuni kaukauwa ki na i matai ni taba tamata, na Nomuni kaukauwa ki vei ira kecega era na lako tiko mai.
Same 71:17, 18 - O Ni sa vakaraitaka vei au na leqa lelevu ka bibi, o Ni na vakabulabulataki au tale, ka kauti au cake tale mai na boto ni sauloa kei vuravura. O Ni na vakatubura na noqu dokai, ka vakacegui au ena veiyasana kecega.
Same 71:20, 21 - Na yagoqu kei na yaloqu sa malumu mai, Ia, na Kalou, sa kaukauwa ni noqu bula e loma, na noqui votavota me sega ni mudu.
Same 73:26 - Sa kalouvinaka na tamata sa tiko vei Kemuni na nona kaukauwa. Na yalona sa lakova nai lakolako vaKalou. Era na lako mai na kaukauwa ki na kaukauwa e levu sara; ni ra sa basika tiko ena matai Koya na Kalou e Saioni.
Same 84:5, 7 - Ena loma ni noqu lomaocaoca, na Nomuni veivakacegui sa vakamarautaka na yaloqu.
Same 94:19 - O Jiova sa noqu kaukauwa, ka noqu sere talega, Ka sa yaco me noqu i vakabula.
Same 118:14 - Sa waicala na yaloqu ena vuku ni colacola bibi; Mo Ni vakaukauwataki au me vaka na Nomuni vosa.
Same 119:28 - Oqo na noqu vakacegui ena gauna ni rarawa, ni Nomuni vosa sa solia vei au na bula.
Same 119:50 - E dina ni'u na lakova na loma ni leqa, o Ni na vakabulabulataki au; o Ni na dodoka na Ligamuni me veivorati kei na nodra cudru na Kequ meca, Kei na Ligamuni i matau ena vakabulai au.
Same 138:7 - Ni sa marau vakalevu na yaloqu e lomaqu, O Ni sa kila na sala au sa muria tiko, Era sa biuta vakavuni tiko na dai, me baleti au.
Same 142:3 - Ni o ni sa vuni Kaukauwa vei ira na dravudravua, o ni vuni kaukauwa talega vei koya e vakaloloma, a i drodro mai na cava, kei na i vakaruru mai na katakata; na rogorogo e vakayacora na tamata rerevaki e vaka ga na cagi ni sa roba na lalaga.
Aisea 25:4 - Sa dau solia na kaukauwa vei ira era sa malumalumu, kei ira e sega vei ira na yalo e gu sa vakatubura o Koya na yalo qaqa.
Aisea 40:29 - Ia o ira era waraki Jiova era na vakaukauwataki tale; era na tubu cake me vaka era sa vakatetaba na ikeli, era na cici ka sega ni oca, era na lako tu ka sega ni bau malumalumu mai.
Aisea 40:31 - Kakua ni o rere, Ni'u sa tiko vata kei iko: Kakua ni o taqaya Ni'u sa nomu Kalou. Au na vakaukauwataki iko, io Au na vukei iko, io Au na tokoni iko ena ligaqu i matau sa dau dina.'
Aisea 41:10 - "O ira na dravudravua kei na vakaloloma era vakasaqara na wai, ia sa sega, ni sa mamaca na yamedra ena via gunu, oi Au, o Jiova, Au na rogoci ira; Oi Au na nodra Kalou na Isireli, Ka'u na sega ni laivi ira.
Aisea 41:17 - Me'u vakayaloqaqataki ira na rarawa mai Saioni Me'u solia vei ira na mata lumilumisa mai na mata dravukasi, na waiwai ni reki mai na rarawa bibi, nai sulu ni vakavinavinaka mai na yalo e bibi, ka ra na vakatokai na kau dau vuataka nai valavala dodonu ka sa tea o Jiova, ka me vakacaucautaki kina o Koya."
Aisea 61:3 - O koya sa tukuna kina o Jiova na Kalou ni lewe vuqa: "Baleta ni dou sa cavuta na vosa oqo, raica, Au na cakava na Noqu vosa ena gusumu me bukawaqa, kei na tamata oqo mera buka, ka me na kani ira.
Jeremaia 5:14 - O Jiova ena sega ni biuta vakadua sara, E dina ni sa vakaraitaka na rarawa, ia ena vakaraitaka tale na loloma me vaka na kena sa rui levu na nona yalololoma. Sa sega ni dau veivakamavoataki vakailoa o koya, se dauveivakayalobibitaki vei ira na luve ni tamata.
Tagi 3:31-33 - "Vei Jiova era na vakakaukauwataki kina, era na lako cake ka lako sobu ena Yaca i Jiova," sa tukuna o Jiova.
Sakaraia 10:12 - "Ni dou na sega ni vosa oi kemudou, ia na Yalo i Tamamudou ena tukuna mai vei kemudou na ka mo dou cavuta.
Maciu 10:20 - Ia sa vakaraici iratou tu o Jisu ka tukuna, "Ki vua na tamata na ka oqo e dredre, ia vua na Kalou e sega ni dua na ka e dredre."
Maciu 19:26 - "Ia dou na rawata na kaukauwa ni sa lako mai vei kemudou na Yalo Tabu; mo dou na qai yaco kina mo dou dautukuni Au mai Jerusalemi, mai Jutia taucoko kei Samaria, ka yacova sara nai yalayala kei vuravura."
Cakacaka 1:8 - Ena nodra sa raica tiko na nodrau yalo qaqa o Pita kei Joni,ni ra sa kila talega e rau sega ni tamata vuli se me bau dua na ka rau kila tu, era sa kurabui sara kina. E dua ga na ka era sa qai vakasamataka rawa ni rau a dau bula vata kei Jisu.
Cakacaka 4:13 - Meda kila ni ka kece e yaco mai, me rawa kina na ka vinaka vei ira sa lomana na Kalou, o ira era sa kacivi me vaka na ka sa nakiti oti.
Roma 8:28 - A cava tale meda na tukuna ena veika oqo? Kevaka sa noda i to na Kalou, o cei tale me keda meca?
Roma 8:31 - Ni sa ka lialia vei ira sa rusa na kena vunautaki na kauveilatai, ia sa vakaraitaka kina na Kalou na nona kaukauwa vei keda sa vakabulai.
1 Koronica 1:18 - Na noqu vosa ni'u vunau sa sega ni'u vosa ena kila ka vakatamata me'u veirawai kina, ia au vunau ena kaukauwa duadua ga ni Yalo Tabu, Mo dou qarauna mo dou kakua ni vakabauta e dua e vosa tiko ena vuku vakatamata, ia o koya ga e tu vua na kaukauwa ni Kalou.
1 Koronica 2:4, 5 - Dou vakatawa, dou tu dei ena vakabauta, dou yaloqaqa, dou tu vakatagane.
1 Koronica 16:13 - Keitou sa sega ni rawata vakai keitou me vakasamataka ni keitou rawa ni rawata e dua na ka, ia sa vu ga mai vua na Kalou neitou kaukauwa,
2 Koronica 3:5 - Na neitou i yaragi ena i valu vakayalo oqo e sega ni ka vakayago me vakatamata, ia ena kaukauwa ni Kalou Me talaraki kina na bai kaukauwa,
2 Koronica 10:4 - Sa qai tukuna mai vei au o Koya, "Sa rauti iko ga na Noqu loloma ni sa qai taucoko na Noqu Kaukauwa vua e dua e malumalumu." O koya oqo e ka marautaki vei au me'u dokadokataka ga na noqu malumalumu, me tiko kina vei au na kaukauwa i Karisito. O koya oqo sa ka ni marau tale vei au me'u sotava na mosi, na vakasewasewani, na vakadravudravuataki, na vakararawataki, na vakacacani, ena vuku i Karisito. Ni'u sa malumalumu, au sa qai kaukauwa.
2 Koronica 12:9, 10 - Me solia vei kemudou o Koya, me vaka na noda i yau levu e tu vua, me vakaukauwataki kemudou ena yalona, ka mo dou kaukauwa e loma,
Efeso 3:16 - Me'u tinia, oi kemudou na wekaqu, mo dou kaukauwa tiko ena Turaga, kei na kena levu ni Nona kaukauwa vakaidina.
Efeso 6:10 - Au via vakadeitaka na ka oqo, o koya e tekivutaka na cakacaka vinaka vei kemudou, ena vakacavara vinaka, me yacova nona lesu tale mai o Jisu Karisito.
Filipai 1:6 - Au sa rawa ni cakava na ka kecega ena vuku i Karisito o koya sa vakaukauwataki au.
Filipai4:13 - Ni sa sega ni solia vei keda na Kalou na yalo meda rere, ia na yalo ga ni qaqa, na loloma kei na taucoko ni yalo matua.
2 Timoci 1:7 - Kevaka meda dau vosota, Eda na lewa vata kei koya. Kevaka meda na cakitaki koya, Ena cakitaki keda o Koya.
2 Timoci 2:12 - Kevaka meda dau vosota, Eda na lewa vata kei koya. Kevaka meda na cakitaki koya, Ena cakitaki keda o Koya.
1 Joni 4:4