Forgiveness


  • 'Mo kakua ni sauma na ca, se yaloca vei ira na luvedra na kai nomu, ia mo lomana na kai nomu me vaka na nomu lomani iko: Oi Au o Jiova.
    Vunau Ni Soro 19:18
  • Vei ira na dauyalololoma, o ni na vakaraitaka na Nomuni yalololoma; vei ira na sega cala, o na vakaraitaka na Nomuni sega ni cala;
    Same 18:25
  • O Ni sa rui vinaka Jiova, ka rawarawa ni veivosoti, sa rui levu na Nomuni yalololoma kivei ira kecega sa kaci yani vei Kemuni.
    Same 86:5
  • Me vaka mai nai cabecabe ki nai dromudromu sa vaka kina, na Nona vakayawataka na noda caka cala mai vei keda.
    Same 103:12
  • Me kua ni yali vei iko na yalololoma kei na dina, mo vakaisalusalu kina, vola sara ki na vu ni yalomu, O na qai kunea na veitokoni kei na rogo vinaka, ena mata ni Kalou kei ira talega na tamata.
    Vakaibalebale 3:3,4
  • "Oi au, io, oi au ga, au sa bokoca na nomu talaidredre me sa vukuqu duaduaga, au na sega ni nanuma tale tiko na nomui valavala ca.
    Aisea 43:25
  • Sa kalouvinaka o ira sa dauyalololoma, ni ra na lomani.
    Maciu 5:7
  • "Na Tamamudou vakalomalagi ena vosoti kemudou kevaka dou vosoti ira sa caka cala vei kemudou. Ia kevaka mo dou sega ni vosoti ira sa caka cala vei kemudou, ena sega talega ni vosota na nomudou caka cala na Tamamudou.
    Maciu 6:14,15
  • Sa qai lako mai vua o Pita ka tukuna, "Turaga, me vaka vica mada na nonai valavala ca vei au na taciqu, me'u vosoti koya tiko? Me vakavitu beka?" Sa tukuna vua o Jisu, Au sega ni tukuna vei iko me vakavitu, ia me vakavitusagavulutaki na vitu.
    Maciu 18:21,22
  • Ena cakava talega vakakina vei kemudou na Tamaqu vakalomalagi, kevaka e dua vei kemudou, mai na vuniyalomudou, e sega ni vosota na tacimudou sa cala vei kemudou.
    Maciu 18:35
  • "Ni dou sa tucake ka masu, ke dua e caka cala veikemudou dou vosoti koya, me vaka na nona vosota nomudou caka cala na Tamamudou mai lomalagi.
    Marika 11:25
  • "Kakua ni dou lelewa, ena sega kina ni dou lewai. Dou kakua ni veibetaki, dou na sega kina ni beitaki. Dou dau veiciqomi, dou na ciqomi talega kina.
    Luke 6:37
  • Sa qai tukuna o Jisu, "Tamaqu, ni vosoti ira, ni ra sa sega ni kila na ka era sa kitaka." A ra sa vakawiri madigitaka na nodra vota na nonai sulu.
    Luke 23:34
  • Sa sega e dua na noqu Turaga," Sa sauma mai na yalewa, "Oi au talega sa sega ni beitaki iko; lako, kua ga ni valavala ca tale."
    Joni 8:11
  • Mo dou dau veilomani vakaiemudou, ena yalo e savasava, ka dou veivosoti vakaikemudou, ni sa vosoti kemudou oti na Kalou ena vuku i Karisito.
    Efeso 4:32
  • Dou veivuke ni colata nomudou i colacola, dou veivosoti vakai kemudou, ke dua na ka cala e beitaki kina e dua vei kemudou; ni sa vosoti kemudou oti o Karisito, e dodonu mo dou dau veivosoti.
    Kolosa 3:13
  • "Au na yalololoma ki na nodra tawadodonu kei na nodra i valavala ca kei na nodra caka ca kecega, Au na sega ni via nanuma tale."
    Iperiu 8:12
  • Me rai tiko vakadodonu na tamata, de dua e bale mai na loloma ni Kalou, de dua talega e kabiti koya na waka tu ni yaloca sa vakasucuma mai na leqa ka sa veivakacalai dina;
    Iperiu 12:15
  • Kevaka eda sa vakatusa na noda i valavala ca, sa yalodina ka yalododonu o Koya me vosota ka bokoca na noda i valavala ca, ka vakasavasavataki keda mai na ka kecega sa sega ni dodonu.
    1 Joni 1:9