Resting in the Lord
- Sa tukuna o Jiova, "Na Noqu i ukuuku ena lako vata kei kemuni ka Au na solia vei kemuni na vakacegu."
Lako Yani 33:14 - Ni rau sa lako yani ki na taudaku ni koro sa tukuna sara o Samuela vei Saula, "Mo tukuna vua na nomu dauveiqaravi me liu yani vei kedaru. Sa lako sara yani. "O iko mo tiko mada eke, me'u tukuna kina vei iko na nona vosa na Kalou."
1 Samuela 9:27 - Sa tukuna kina o koya vei Juta, "Me da tara na veikoro oqo kei na kena bai vakavolivolita, na nodra tikina nai vakatawa na matamata kei na kenai tatarovi ni se tiko e matada na vanua. Eda sa tarogi Jiova na noda Kalou, ka sa solia vei keda na vakacegu mai na veiyasana kecega." Era sa vakacokotaki ka tamata yaco tiko.
2 Veigauna 14:7 - Dou cudru, ia, dou kakua ga ni valavala ca kina, vakanananu kina lomamu ena nomu i mocemoce, ka tiko vakamalua. Sela
Same 4:4 - Waraki Jiova ga mo tamata qaqa, e na qai vakaukauwataka na yalomu, mo wawa, au sa tukuna!
Same 27:14 - Mo vakacegu tiko vei Jiova, waraki Koya tiko vakamalua; mo kakua ni yaloca, ena vukui koya sa tiko vinaka, ena vuku ni nakinaki ca sa cakava o koya.
Same 37:7 - Sa golevi au mai o Jiova, ni'u sa waraki koya tiko; ka sa rogoca na noqu tagi.
Same 40:1 - Dou tu vakadua, mo dou kila ni sai Au na Kalou; Au na vakacerecerei e vuravura taucoko ena kedra maliwa na veimatanitu!
Same 46:10 - Biuta na nomui colacola vei Jiova, ena tokoni iko o koya. Ena sega ni vakatara me ra yavalati na yalododonu.
Same 55:22 - Oi kemudou na tamata, dou vakadinati koya ena gauna kecega; dou sovaraka na yalomudou. Sa noda i drodro na Kalou. Sela
Same 62:8 - O ni na maroroi koya ena vakacegu e sega yalani, ni nona vakanananu sa tu ga vei Kemuni ni sa vakabauti Kemuni.
Aisea 26:3 - Ni sa tukuna o Jiova, na Le Dua Yalosavasava i Isireli: "Ni dou sa lesu mai ka tiko malua dou na vakabulai; ena vakanomodi kei na lomadina me nomudou kaukauwa," ia dou sa qai bese ga,
Aisea 30:15 - Na cakacaka dodonu ena tubu kina na sautu, na cakacaka dodonu ena vakatubura na vakacegu, kei na tiko dei me sega ni mudu.
Aisea 32:17 - Ia o ira era waraki Jiova era na vakaukauwataki tale; era na tubu cake me vaka era sa vakatetaba na ikeli, era na cici ka sega ni oca, era na lako tu ka sega ni bau malumalumu mai.
Aisea 40:31 - "Sa kalouvinaka na tamata sa vakararavi vei Jiova, ka sa nuitaki Jiova ga. Ni na vaka na kau sa tei e na bati ni wai, ia sa vakateteva na wakana ki na bati ni uciwai, ena sega ni kila ni sa yaco mai na katakata, a drauna talega ena drokadroka tu, ia e na yabaki ni dausiga ena sega ni nuiqawaqawa kina, ena sega talega ni mudu ni vuavuai.
Jeremaia 17:7, 8 - Ni'u sa kila oi Au na lewa ni lomaqu e na vukumudou, sa tukuna o Jiova, na lewa mo dou vinaka, ka sega ni ca, ka Me'u solia vei kemudou nai nuinui vinaka ni gauna emuri. Dou na qai tagi kivei Au, ka la'ki masu vei Au, ia Au na rogoci kemudou. Ia dou na golevi Au, ka kunei au, ni dou sa golevi Au sara mai na vu ni lomamudou.
Jeremaia 29:11-13 - Sa vinaka na Kalou vei ira sa waraki koya, Ki na yalo ga sa vakasaqarai koya. Sa vinaka vua na tamata me waraka tikoga vakamalua na veivakabulai i Jiova.
Tagi 3:25, 26 - "Dou lako mai vei Au, oi kemudou vakayadua ga sa oca ka colata nai colacola bibi, Au na vakacegui kemudou. "Dou vakataqara vei kemudou na Noqu i Vua ka vuli vei Au, ni'u sa Yalomalua ka Yalomalumalumu, dou na qai kunea kina na vakacegu ni yalomudou. "Ni sa rawarawa na Noqu i vua ka mamada na Noqu i colacola."
Maciu 11:28-30 - Na Nona vakacegu na Kalou, sa uasivita na ka kecega e kilai rawa, ena maroroya ka vakataudeitaka na yalomudou kei na lomamudou, ena vuku i Karisito Jisu.
Filipai 4:7 - Oqo sara ga na vuna au sa vosota kina na veika rarawa; ka sega ni'u madua kina, ni'u sa kilai koya o koya au sa qarava, au sa kila talega ni na dina o koya vei au, ena ka au sa yalataki au kina vua, me yacova na siga sa lokuci.
2 Timoci 1:12 - Dou vakataqara vua nomudou leqa kecega, ni sa daunanumi kemudou o Koya.
1 Pita 5:7