Faith
- Ke sa vakamatei au o Koya, ia au na vakararavi ga Vua. E vaka kina, au na vakadinadinataka na noqui valavala e Matana.
Jope 13:15 - Nuitaki Jiova ena yalomu taucoko, ka kua ni nuitaka na ka o kila; Ena veika kecega, vakaliuci Koya, ena qai vakadodonutaka na nomu i lakolako o Koya.
Vakaibalebale 3:5,6 - Ni sa tukuna o Jiova, na Le Dua Yalosavasava i Isireli: "Ni dou sa lesu mai ka tiko malua dou na vakabulai; ena vakanomodi kei na lomadina me nomudou kaukauwa," ia dou sa qai bese ga,
Aisea 30:15 - Sa qai tara na matadrau, ka tukuna, "Me vaka na nomudrau vakabauta me yaco vaka kina vei kemudrau."
Maciu 9:29 - Sa tukuna vei iratou o Jisu, baleta ga na nomudou sega ni vakabauta; Au tukuna vei kemudou, kevaka na nomudou vakabauta me vaka na sore ni musita, dou na tukuna kina uluinivanua, mo toso eke ka toso ki kea, ena toso o koya; ena sega ni dua na ka e dredre vei kemudou.
Maciu 17:20 - A sa tukuna vua o Jisu, "kevaka walega o rawa ni vakabauta, ni sa rawa na ka kecega vua sa vakabauta."
Marika 9:23 - Sa tukuna vei iratou o Jisu, ka vaka, "Dou vakabauta na Kalou."
Marika 11:22 - "Ni sa sega ni dua na ka me dredre vua na Kalou."
Luke 1:37 - O koya oqo, ni da sa vakadonui ena vakabauta, eda sa qai veivinakati kei na Kalou, ena vuku ni noda Turaga o Jisu Karisito,
Roma 5:1 - Ni vakabauta sa rawa ena ka eda rogoca, na ka eda rogoca mai na vosa ni Kalou.
Roma 10:17 - Ia o koya sa sega ni vakadinata me kakua ga ni kania ena cala tale kina, baleta ni sega ni kania e na vakabauta; Na ka kece eda cakava kevaka e sega ni tukuna mai e yaloda ena noda vakabauta, meda kakua ga ni cakava, ni da na cala tale kina.
Roma 14:23 - Vakauasivi sara, mo dou kauta voli e veisiga nai sasabai ni vakabauta, o koya, mo dou sabaya kina na nona gasau vanataki na tevoro.
Efeso 6:16 - Kevaka meda sega ni yalodina, O Koya ena dau yalodina tu ga; E sega ni dau tu vua na veidabui.
2 Timoci 2:13 - Oqo, o ira sa vakadonui era na bula ena vakabauta;
Iperiu 10:38 - Na vakabauta sa vakarairaitaki kina na veika eda sa nuitaka tiko, sa vakadinadinataka na veika sa sega ni kunei.
Iperiu 11:1 - Kevaka sa sega na vakabauta, sa sega ni rawa vua e dua me vakaloma-vinakataka na Kalou. O koya sa via lako mai vua na Kalou, e dodonu me vakabauta ni sai Koya ga, sa dau saumi ira talega sa dau vakasaqara vakagumatua na Kalou.
Iperiu 11:6 - me da vakaraici Jisu tikoga, o koya sa tekivuna ka na tinia talega na noda vakabauta, o Jisu ena vuku ni reki sa tu e matana, sa vosota na kauveilatai, na veivakamaduataki, ka sa la'ki dabe tiko oqo ena liga i matau ni Kalou ena Nona i tikotiko vakaturaga.
Iperiu 12:2 - Kevaka sa lailai na vuku vua e dua vei kemudou, me kerea Vua na Kalou, o Koya sa solia vakalevu kivei ira kecega na tamata, a sa sega ni dauveivakadirideini, e na solia ga vua o Koya. Ia me kerekere e na vakabauta, ka me kakua ni vakatitiqa, o koya e vakatitiqa sa vaka na ua ni waitui sa veicaginayaki e na cagi kecega. Me kakua sara ni nanuma na tamata o ya ni na rawata e dua na ka mai Vua na Turaga; O koya na tamata lomalomarua, sa yamekemeke na nona i valavala kecega.
Jemesa 1:5-8 - Me vaka ni sa mate na yago ke sa takali na yalo, sa mate vakakina na vakabauta ni sa sega na cakacaka.
Jemesa 2:26 - Ena ka oqo mo dou reki tiko kina vakalevu sara, e dina ni vakalailai tikoga na nomudou na sotava tiko na veivakatovolei ni veika rarawa. Ka me rawa ni laurai kina na vakabauta dina sara me tu vei keda, na vakabauta vaka oqo e talei mai na koula sa vakatovolei oti ena buka, ka ena vakacaucautaki, ka ena dokai, ka ena lagilagi ena Nona na rairai mai o Jisu Karisito. O koya ka sega ni rawa ni laurai, ia dou sa lomana ga. E dina ni dou sega ni raici koya, ia dou sa vakabauta ga, ka dou sa reki tiko ena reki e sega ni cavuti rawa, ka dou vakasinaiti tu ena i serau ni Turaga. Ka mo dou rawata kina nai tinitini ni nomudou vakabauta, sai koya na vakabulai ni yalomudou.
1 Pita 1:6-9 - Ni sa rawai vuravura o koya yadua sa vakasucumi vou mai vua na Kalou. Sa yaco oti na qaqa ka sa vakamalumalumutaki oti kina o vuravura – e na noda vakabauta.
1 Joni 5:4