Prayer
- "Ni sa lako sivi au na ua ni mate, Na ualuvu ni vakavuravura sa vakarerei au; Na rarawa kei eli sa vakavolivoliti au Nai cori kei mate sa bolei au. Ena noqu veilecayaki, Au a kacivi Jiova, Au tagi vua na noqu Kalou, Sa rogoca na domoqu mai na vale ni soro Ka sa curu ki daligana na noqu tagi.
2 Samuela 22:5-7 - I, Jiova, ena veimataka, Mo ni dau rogoca na domoqu; Au sa dau tacake ena veimataka, ka masu tiko vei kemuni.
Same 5:3 - Sa sega ni besetaki kemudou se cati kemudou o Koya ena vuku ni veivakararawataki levu, se sa vunitaka na Matana mai vei kemudou; ia sa daurogoci kemudou ga ni dou sa dau kacivi Koya.
Same 22:24 - Kacivi Au mai ena siga ni nomu leqa; Au na sereki iko, o na qai vakacerecerei Au."
Same 50:15 - Ena yakavi kei na mataka kei na siga levu. Au na masu, ka kaci vakalevu, ena rogoca o Koya na domoqu.
Same 55:17 - Oi kemudou na tamata, dou vakadinati koya ena gauna kecega; dou sovaraka na yalomudou. Sa noda i drodro na Kalou. Sela
Same 62:8 - NA KALOU, o ni sa noqu Kalou; Au na sou me'u vakasaqarai Kemuni; Na yaloqu sa via gunu vei Kemuni Na yaloqu sa gagadre vei kemuni, ena vanua ka sa mamaca tu, na vanua sa sega kina na wai.
Same 63:1 - Kevaka au sa maroroya na ca ena yaloqu, Na Kalou ena sega ni rogoci au. Sa dina sara, Na Kalou, sa rogoci au; sa dau sotava o koya na domo ni noqu masu.
Same 66:18,19 - Ena rogoca o Koya na nodra masu na dravudravua, ena sega ni vakawaletaka na nodra masu.
Same 102:17 - Sa dina, sa nanumi ira ena nodra rarawa, ni sa rogoca na nodra masu Vua; Ena vukudra sa nanuma kina na Kalou na Nona vosa ni veiyalayalati, ka sa kabiti ira me vaka na levu ni Nona yalololoma.
Same 106:44, 45 - Au sa taleitaki Jiova, ni sa rogoca na domoqu, na domo ni noqu kerekere. E na Nona sa vakarogoca, au na masuti Koya tikoga ena noqu bula taucoko.
Same 116:1,2 - Sa kalouvinaka o ira sa maroroya na Nona vosa, ka qarai Koya ena yalodra taucoko!
Same 119:2 - Au sa qarai kemuni ena yaloqu taucoko, io, me'u sa kakua ga ni lako tani mai na Nomuni Vakaro!
Same 119:10 - O ira na tamata e ra tiko mai Saioni e Jerusalemi; dou na sega tale ni tagi. Ena lomani iko o Koya ni rogoca na domo ni nomu tagi; ni sa rogoca o Koya ena sauma mai vei iko.
Aisea 30:19 - Sa tukuna vakaoqo o Jiova, na yalosavasava ni Isireli, kei na nona Dauveibuli: "Mo tarogi Au ena veika se bera mai e na vukudra na luvequ tagane; kei na cakacaka talega ni ligaqu me vaka nomu i vakaro vei au.
Aisea 45:11 - Dou vakasaqairai Jiova ni se kune rawa tiko, dou masuti Koya ni se voleka tiko.
Aisea 55:6 - Sa sega tale e dua me masuta na yacamuni, ka vakauqeti koya ga me tatakube vei keimuni; Ni o ni sa vunia na matamuni vei keimami, ka vakaoti keimami vakadua ena vuku ni neimami caka cala.
Aisea 64:7 - "Ni sa yaco dina sara se bera ni ra masu mai, Au sa rogo yani, ni ra qai tekivu me vosa mai, Au sa rogoca oti tu.
Aisea 65:24 - Ia dou na golevi Au, ka kunei au, ni dou sa golevi Au sara mai na vu ni lomamudou.
Jeremaia 29:13 - 'Mo tagi mai vei au, Au na rogo yani vei iko, ka vakatakila vei iko na ka levu e dredre ni kilai, o sa sega ni kila.'
Jeremaia 33:3 - Sa vakacerecerea na nodra kaukauwa na meca, "Tucake ka kaci tagitagi yani ena bogi taucoko, Mai nai vakatekivu ni yadrayadra; Sova yani na yalomu ki veikoya, ena vuku ni nodra bula na nomudou gone lalai era sa ciba tu ena via kana ena veisalatu."
Tagi 2:19 - Me da lako mada ka vakaraica tale na noda i lakolako, ka me da lesu tale vua na Kalou; Me da laveta cake na ligada kei na yaloda vua na Kalou sa tiko mai lomalagi.
Tagi 3:40, 41 - "O koya oqo", sa tukuna o Jiova, "Dou lesu mai vei au ena yalomudou taucoko, dou lolo, dou tagi dula kei na nomudou tagi rarawa."
Joeli 2:12 - Ena gauna o masu kina, me kakua ni vakataki ira na dauveivakaisini. Ni ra dau vinakata mera tucake tu ena veivale ni lotu kei na veitutu ni sala, me laurai vei ira na tamata ni ra masu tu. Na ka dina Au tukuna vei kemudou, ni sa kedra i sau sara ga era sa taura oqori.
Maciu 6:5 - "Ia o iko, ni o sa masu, curu ki na nomu rumu, ka sogota mai na katuba qai masu vua na Tamamu sa tiko ena yasana vuni; ni o koya na Tamamu sa raica na ka vuni ena sauma votu vei iko. "Ni dou sa masu, kakua na vakamacalavakabalavu me vaka era dau cakava na sega ni lotu. Ni ra sa nanuma era na rogoci ena nodra vakayatuyatu vakabalavu.
Maciu 6:6,7 - "Dou kerekere, ena qai soli vei kemudou; dou vakasaqara, dou na qai kunea, dou tukituki, ena qai dolavi mai vei kemudou.
Maciu 7:7 - "Na kena mataqali e vaka o koya oqo ena sega ni rawa me lako tani, ka vakavo ga ena masu kei na lolo."
Maciu 17:21 - "Au tukuna vei kemudou, na ka dou vauca e vuravura ena vauci mai lomalagi, kei na ka dou sereka e vuravura ena sereki mai lomalagi. Au tukuna tale vei kemudou kevaka e lewe rua vei kemudou me rau lomavata e vuravura me kerea e dua na ka, ena vakayacora vei rau na Tamaqu sa tiko mai Lomalagi. "Ke lewe rua se lewe tolu me ratou soqoni vata ena Yacaqu, Au sa tiko ena kedratou maliwa."
Maciu 18:18, 19, 20 - Sa qai tukuna vei iratou o Jisu, E dina au sa tukuna vei kemudou, kevaka e tiko vei kemudou na vakabauta ka me kua vei kemudou na vakatitiqa, dou na sega walega ni cakava na ka e yaco ena vuni lolo, ia dou na rawata talega mo dou tukuna ki na ulunivanua oqo, mo toso tani ka dromu yani ena loma ni wasawasa, ena yaco vaka kina. "Kei na cava ga dou kerea ena masu ni dou vakabauta, dou na rawata." Era Sa Vakatarotaroga Na Vakatulewa Nei Jisu
Maciu 21:21, 22 - Sa tukuna vei iratou, 'sa bikai na Yaloqu ena lomabibi, me vaka ni'u na mate. Dou tikoga eke ka vakatawa vata kei Au."
Maciu 26:39 - "O Koya oqo ka'u tukuna tiko kina veikemudou, a ka kecega dou kerea ena nomudou masu, dou vakabauta, ni dou sa rawata, dou na taukena dina.
Marika 11:24 - "Ka'u tukuna vei kemudou, dou kerekere, ena soli vei kemudou; dou vakasaqara, dou na kunea; dou tukituki, ena dolavi mai vei kemudou. "Vei ira vakaaduaga sa kerekere era na rawata, kei koya sa vakasaqaqara ena kunea, kei koya sa tukituki ena dolavi ga mai vua.
Luke 11:9, 10 - Sa qai tukuna na Turaga, "I Saimoni, i Saimoni! E dina ga ni sa kerei iko tiko o Setani, me tavuloni iko me vaka na witi. "Ia ka'u sa masulaki iko tiko, me kakua ni lutu sobu na nomu vakabauta; ni o sa na lesu tale mai vei Au, mo vakataudeitaki ira na wekamu."
Luke 22:31,32 - "Na ka kecega dou na kerea ena yacaqu, Au na cakava, me laveti cake kina na Tamana mai vei Luvena. "Na cava ga dou na kerea ena yacaqu, Au na cakava. Sa Yalataka O Jisu E Dua Tale Na Dauniveivuke
Joni 14:13, 14 - "Kevaka dou sa sema mai vei Au, kei na noqu vosa sa curu me sema yani vei kemudou, dou na kerea na cava ga dou gadreva, ena caka vei kemudou.
Joni 15:7 - Sa dina sara, Au sa tukuna vei kemudou, na veika dou na kerea vei Tamaqu ena yacaqu, ena solia vei kemudou. "Me yacova oqo e se sega ni dua na ka, mo dou kerea ena Yacaqu. Dou kerekere ka dou na rawata me levu kina na nomudou reki.
Joni 16:23B, 24 - E sega ni qai lomatarotarotaka na vosa yalayala ni Kalou, me sega ni via vakabauta, ia na nona vakabauta sa qai kaukauwa ga ka sa vakalagilagia tikoga na Kalou. A sa vakadeitaka tu e yalona, na veika sa vosa yalayalataki oti tu vua, ena rawata.
Roma 4:20, 21 - Na Yalo Tabu talega sa vukea na noda malumalumu. Ni da sega tu ni kila na ka dina e yaga vei keda meda kerea, ia na Yalo Tabu sa masulaki keda ena vutugu e sega ni cavuti rawa. Na kalou sa daudikeva na yalo ni tamata sa kila na loma ni Yalo Tabu, ni sa masulaki ira na tamata yalododonu me vaka na loma ni Kalou.
Roma 8:26,27 - O koya e rawa ni cakava ga na ka e via cakava, ka sega ni da vakasamataka rawa, me vaka na kaukauwa e tu vua, ni rawa me cakava vei keda,
Efeso 3:20 - Dou masu tikoga ena masumasu kecega kei na daukerekere ena Yalo Tabu, dou yadrava tiko ka gumatua nomudou veinanumi ena masu, ena vukudra na tamata lotu -
Efeso 6:18 - Nomudou masu me kua ni dua na gauna me cegu kina,
1 Cesalonaika 5:17 - Au vinakata vei ira na tagane me ra daumasu ena vanua kecega, me ra laveta cake na ligadra savasava, me kua ni ra yalo ca tiko se ra vakatitiqa.
1 Timoci 2:8 - Me da toro doudou mai kina i tikotiko ni loloma, me da taura kina na loloma ka kunea na veivuke ena gauna eda vinakata kina.
Iperiu 4:16 - O koya oqo sa rawa kina Vua me vakabulai ira kecega sa lako mai vua na Kalou mai vei Koya, baleta ni sa bula tiko o koya ka sega ni mudu me cakava tiko kina na cakacaka ni veisorovaki.
Iperiu 7:25 - Kevaka sa sega na vakabauta, sa sega ni rawa vua e dua me vakaloma-vinakataka na Kalou. O koya sa via lako mai vua na Kalou, e dodonu me vakabauta ni sai Koya ga, sa dau saumi ira talega sa dau vakasaqara vakagumatua na Kalou.
Iperiu 11:6 - Ia me kerekere e na vakabauta, ka me kakua ni vakatitiqa, o koya e vakatitiqa sa vaka na ua ni waitui sa veicaginayaki e na cagi kecega. Me kakua sara ni nanuma na tamata o ya ni na rawata e dua na ka mai Vua na Turaga;
Jemesa 1:6, 7 - Toro voleka yani Vua na Kalou e na qai toro voleka mai vei kemudou o koya. Vakasavasavataka na ligamudou, oi kemudou na i valavala ca; ka vakasavasavataka na yalomudou oi kemudou sa daulomalomarua.
Jemesa 4:8 - Na ka eda kerea vua ena solia vei keda baleta ni da maroroya na Nona i vakaro, ka cakava na ka sa vinakata o Koya.
1 Joni 3:22 - Na ka ga oqo eda sa dei kina vua, ni dua na ka eda kerea me vaka na lomana, sa rogoci keda o Koya. Kevaka eda kila ni sa rogoci keda o Koya, e na ka eda kerea, eda na rawata dina na ka eda kerea.
1 Joni 5:14,15