Rest and Sleep

Gata teuma teugoh dan peunoh harapan; Po teu Allah teuma geulindong gata sampoe gata aman. Gata hana teuma teumakot ubak musoh; jai that ureuëng teuma jilakée tulông ubak gata.
Ayub 11:18,19
Ulôn meulakée ubak TUHAN; nibak bukét Gobnyan nyang suci Gobnyan geujaweueb ulôn.
Zabur 3:5
Droeneueh neupeujeuet até ulôn leubeh geumbira nibak ureuëng nyang meulimpah hase meugo jih.
Zabur 4:8
Gata hanapeu tatakot keuhai bahya bak watée malam, atawa jiseurang ngon hana teusangka-sangka bak watée uroe;
Zabur 91:5
Sia-sia mantong meubuet brat teujak mita nafeukah, beudôh éh banseuboh buta dan watée jak éh ka malam jula; sabab TUHAN geuseudia keu ureuëng nyang geugaséh, seudang awaknyan mantong jiéh.
Zabur 127:2
Gata teuma tajak éh deungon hana teurasa teumakot, gata ta teungét meuseuneunya simalam beungoh hana nyang peukaru gata.
Amsal 3:24
Ulôn kalon di ateueh donya nyoe na sisuatu nyang cukob seudeh: Sidroe ureuëng geutamon hareuta keu masa watée jiteuka musém deuk.
Peungkhotbah 5:12
Óh ka maté, ureuëng nyan geupeujiôh nibak bala dan jimeureuhat deungon damé.
Nabi Yesaya 57:2
TUHAN meufeureuman, "Horeumat kheueh keu uroe Sabat sibagoe ureuëng TUHAN. Bék tapakoe ubak keupeuntengan droe gata keudroe watée uroenyan. Peuraya kheueh uroe nyan sibagoe uroe nyang bahgia; horeumat kheueh uroe TUHAN deungon cara hana tajak keudeh keunoe; dan meunan cit bék sagai tajak buet atawa meututoe haba nyang hana meuguna. Dan gata geumbira sabab meungabdi ubak Ulôn. Ulôn teuma Lôn peujeuet gata teuhoreumat bansaboh donya. Gata teuma udeb seunang deungon tanoh pusaka nibak Nabi Yakub, indatu gata. Ulôn, TUHAN ka Lôn peugah haba."
Nabi Yesaya 58:13, 14
Peue mantong nyang Gata peubuet -- Gata makheun atawa Gata jieb ié -- peubuet kheueh mandum nyan keu gata peumulia Allah.
1 Korintus 10:31
Teuma, keu umat Allah mantong na janji keujimeureuhat lagée Allah meureuhat bak uroe nyan keutujoh nyan. Sabab ureuëng nyang teurimong meureuhat nyang geupeu janji lé Allah ubak jihnyan, teuma jimeureuhat cit nibak banmandum buet jih nyan, saban lagée Po teu Allah.
Ibrani 4:9,10