Childbearing

Allah ayah gata geutulông gata; Nyang Mahakuasa geubri beureukat keu gata deungon ujeuen jitreun di langét dan ié dimiyueb tanoh. Deungon aneuëk dan leumô,
Keujadian 49:25
Teuma keuturonan awaknyan, na kheueh ureuëng-ureuëng Israel, ka meuaneuëk cucoe nyang lumpah le, dan jeumeulah awaknyan laju meutamah-tamah bagaih lagoena, sampoe nanggroe Meusé ka peunoh ngon awaknyan.
Keuluaran 1:7
Gobnyan geugaséh ngon geubri beureukat ateueh gata, sampoe aneuëk gata le lom meutamah-tamah teuma jeumeulah jih. Meunan cit Gobnyan geubri beureukat keu lampôh ngon blang gata, sampoe jipeuhase gandom, anggô dan minyéuk zaiton. Gobnyan geubri beureukat keu gata sampoe leumô gata le meunan cit kaméng ngon bubiri gata. Banmandum beureukat nyan teuma gata teurimong di nanggroe nyang geubri lé TUHAN keu gata, paih deungon janji nyang ka geupeugét ubak indatu gata. Nibak banmandum bansa nyang na di ateueh donya nyoe, hana meubacutpi beureukat nyang jiteurimong lagée nyang gata teurimong nyan sampoe meulimpah-limpah. Nibak gata banmandum meunan cit banmandum beulatang peulara gata hana meusabohpi nyang éue.
Kitab Teu-Ulang 7:13, 14
Bukon kheueh Po teu Allah nyang cebta ulôn, meunan cit nyang cebta namiet-namiet lôn?
Ayub 31:15
Aneuëk-aneuëk jihnyan jeuet keu ureuëng nyang mat kuasa di nanggroe nyoe, keuturonan ureuëng nyang gét geubri beureukat.
Zabur 112:2
Gobnyan geubri aneuëk-aneuëk keu peurumoh nyang éue, geupeujeuet jihnyan ma nyang mubahgia dan teuhoreumat di rumoh droe jih keudroe.
Zabur 113:9
Aneuëk-aneuëk manyak na kheueh hareuta nyang geubri lé Po teu Allah, nyang sikeubit jih, awaknyan na kheueh anugeurah Gobnyan.
Zabur 127:3
Droeneueh neucebta tieb-tieb bagian nibak tuboh ulôn, dan neubantuek ulôn didalam pruet ma lôn.
Zabur 139:13
Sabab Gobnyan nyang peukong pintoe-pintoe geureubang gata, dan nyang bri beureukat keu peunduduek gata.
Zabur 147:13
Lagée ureuëng meurabe nyang peulara kawan beulatang Geuh; Gobnyan keudroe nyang peusapat awaknyan. Aneuëk-aneuëk bubiri geutiengkue teuma, deungon leumoh leumbot Gobnyan geu peutatéeh nang-nang beulatang Geuh.
Nabi Yesaya 40:11
Sabab Ulôn teuma Lôn peu tijöh ié bak tanoh nyang tho, dan nyang peu ile ié krueng-krueng bak tanoh nyang geursang. Ulôn kubri kuasa keu keuturonan gata, dan nyang bri beureukat keu aneuëk cucoe gata. Awaknyan teuma udeb subo lagée naleueng nibak binéh ié, lagée bak gandarusa nyang timoh nibak binéh krueng.
Nabi Yesaya 44:3, 4
Banda suci Lôn lagée sidroe ma nyang jipeulahé aneuëk sigohlom teuleunteuk teubot sabab sakét; nyang jipeulahé aneuëk agam sigohlom jirasa sakét meu aneuëk. Bék tasangka Ulôn ba umat Lôn sampoe bak saát keulahéran dan hana teupeubiyeu awaknyan teupeu lahé." Meunan kheueh geupeugah lé TUHAN.
Nabi Yesaya 66:7, 9
"Sigohlom Lôn cebta gata lam pluet ma gata, dan sigohlom gata lahé u ateueh rhueng donya nyoe, Ulôn ka Lôn piléh dan Lôn baiát gata mangat jeuet keu nabi keu bansa-bansa."
Nabi Yeremia 1:5
Mubahgia kheueh droeneueh, sabab peucaya peue nyang geupeugah lé Tuhan ubak droeneueh nyan teuma teujadi!"
Lukas 1:45
Meunyoe sidroe ureuëng inong ka tô that watée jikeuneuk peulahé aneuëk, jihnyan lumpah that sosah dan apoh apah, sabab ka watée jih inong nyan meudeurita. Teuma meunan aneuëk jihnyan lahé, ureuëng inong nyan tuwoe ubak peundeuritaan jih sabab galak that até sidroe aneuëk manyak ka lahé lam donya.
Yahya 16:21
Teuma biet pi meunan, ureuëng inong teuma seulamat deungon jipeulahé aneuëk, asai jihnyan ngon até nyang miyueb teutab meuiman ubak Almaseh dan teutab jigaséh keu ureuëng laén dan udeb khusos keu Po teu Allah.
1 Timotius 2:15
Sabab meuiman, Nabi Ibrahim hase meuteumé keuturonan nibak Sara, bah pih Nabi Ibrahim ka tuha lumpah na, dan Sara keudroe mandul. Nabi Ibrahim yakén that bahwa Allah teutab geupeutupat janji Geuh.
Ibrani 11:11