Victory

Geujaweueb lé Nabi Musa, "Bék yo teuh! Meuteuen kheueh! Gata takalon keudroe peue nyang teuma geupeubuet lé TUHAN keu geupeuseulamat gata. Ureuëng Meusé nyang na gata ngieng nibak saát nyoe, hana teuma gata ngieng le. TUHAN teuma geumeujuang keu gata, dan gata hana peureulée gata peubuet sapeue."
Keuluaran 14:13, 14
Zabur Nabi Daud watée geupeuseumah keureubeuen peuingat.
Zabur 35:1
Zabur. Meuca-e kheueh ngon lagu barô keu TUHAN, sabab buet-buet Gobnyan nyang keubit hireuen! Deungon kuasa dan teunaga Gobnyan keudroe Gobnyan ka meunang.
Zabur 98:1
Peugah kheueh ubak nyang cut até, "Peukhong kheueh até gata, bék teumakot, Po teu Allah gata teuka geuhuköm musoh, Gobnyan teuka geujak peuseulamat gata."
Nabi Yesaya 35:4
Keubiet Tuhan teuma geupeulheuh ulôn nibak tieb-tieb useuha nyang jeuhet ateueh ulôn. Gobnyan teuma geuba ulôn deungon seulamat lam keurajeuen Geuh di Syeuruga. Bah kheueh Gobnyan teupeuagong siumu masa! Amin.
2 Timotius 4:18
Lé sabab nyan tanyoe tajeuet peugah, "Tuhan na kheueh nyang tulông lôn, ulôn hana teumakot. Peue nyang hase jipeubuet manusia ateueh ulôn?"
Ibrani 13:6
Teuma ureuëng nyang hana jipiôh-piôh jipeubuet desya na kheueh aneuëk Iblih, sabab Iblih meudesya yoh awaikon. Keunyoe kheueh Aneuëk Allah teuka, na kheueh keugeupeuhanco banmandum buet Iblih.
1 Yahya 3:8
Syedara-syedara geutanyoe ka jipeutaloe jihnyan ngon darah Aneuëk Bubiri nyan, dan ngon feureuman nyang beutôi nibak Allah nyang awaknyan peudakwah. Awaknyan rila jikeureubeuen nyawöng droe jih trok án maté.
Wahyu 12:11