Strength

TUHAN Po teu Allah gata teuma geuseutôt sira geujak tulông gata, dan Gobnyan teuma geupeumeunang gata.'
Kitab Teu-Ulang 20:4
Ingat, Ulôn ka Lôn bri peurintah ubak gata mangat gata biet-biet yakén dan beurani! Bék kheueh gata takot dan kureueng seumangat, sabab ulôn TUHAN Po teu Allah gata sabe na meusajan gata bahpi ho mantong nyang gata jak."
Joshua 1:9
Óh lheueh nyan lé Nabi Daud geupeugah lom ubak aneuëk gobnyan Nabi Sulaiman, "Gata harôh yakén dan gata jeuet. Tapeuphon kheueh meubuet nyan dan gata bék yo mubacut pih keupeue mantong. TUHAN Allah nyang ulôn seumah geutulông gata. Allah hana geutinggai gata. Gobnyan teutab na sabe disampeng gata sampoe nyang gata peubuet nyan seuleusoe.
1 Tawarikh 28:20
Bak awaknyan nyang na teunaga manusia, teuma nibak geutanyoe na TUHAN Po teu Allah nyang tulông geutanyoe didalam prang." Ban geudeungoe kheun raja droe geuh nyan, rakyat pih meutamah beurani.
2 Tawarikh 32:8
Jinoenyoe tajak woe kheueh u rumoh gata maséng-maséng; tamakheun dan tajieb kheueh ié deungon mangat dan geumbira. Tajok kheueh siladum nibak peunajoh dan anggô gatanyan keu ureuëng nyang bit-bit peureulée. Uroe nyoe na kheueh uroe nyang khusos keu TUHAN, Allah geutanyoe, jadi, bék kheueh gata peususah até. Geumbira nyang geujok lé TUHAN keu gata nyan na kheueh mangat teupeuteuga gata."
Nehemiah 8:10
Ya TUHAN, Allah kamoe, kuasa Droeneueh meusyeuhu bansaboh bumoe! Keuagongan Droeneueh trok u langét
Zabur 8:2
Droeneueh puhu panyôt ulôn; TUHAN Allah ulôn nyang peu peungeuh ulôn nibak seupôt. deungon tulông Allah ulôn peuhanco peutahanan awaknyan. Sabab TUHAN kheueh Po teu Allah; Allah mantong nyang jeuet keu nyang bila geutanyoe.
Zabur 18:29, 30B, 32
Jinoenyoe barô kheueh ulôn teupeue bahwa TUHAN geubri keumeunangan ateueh raja nyang geupiléh. TUHAN geujaweueb gobnyan di syeuruga nyang suci; lé kuasa TUHAN gobnyan meuteumé meunang nyang paleng raya.
Zabur 20:7
Keu teupimpén kor. Zabur Nabi Daud.
Zabur 21:1
Ulôn yakén teuma lôn rasa keubaíekan TUHAN lam udeb lôn lam donya nyoe. Meuharab kheueh ubak TUHAN, peukong kheueh dan peuteutab kheueh até droeneueh; nyoe, meuharab kheueh ubak TUHAN.
Zabur 27:13, 14
TUHAN peulindong dan nyang bila ulôn, ulôn peucaya ubak Gobnyan. Gobnyan geutulông dan nyang peu mangat até ulôn, ulôn pujoe Gobnyan deungon ca-e dan nyanyoe syuko. TUHAN geubri teunaga keu umat Gobnyan, Gobnyan geubila dan geupeuseulamat raja nyang geupiléh lé Gobnyan keudroe.
Zabur 28:7, 8
Meunyoe ureuëng saléeh nyang meuhôi, TUHAN geudeungoe, dan geupeuseulamat awaknyan nibak banmandum nyang salah.
Zabur 34:18
Ureuëng jeuhet teuma maté sabab buet jih nyang jeuhet, ureuëng nyang jibanci keu ureuëng saléeh teuma geuhuköm.
Zabur 34:22
TUHAN geubimbéng ureuëng nibak rot nyang harôh geulalu, Gobnyan geupeukong ureuëng nyang udeb jih teutab meukeunong bak até Gobnyan. Meunyoe rhot, ureuëng nyan hana that meubahya, sabab TUHAN geumat jaroe ureuëng nyan.
Zabur 37:23, 24
TUHAN geupeuseulamat ureuëng saléeh, dan geulindong awaknyan óh watée teuseupet.
Zabur 37:39
Ya Allah, Droeneueh kheueh nyang peurunoe ulôn yoh phon ulôn nyoe mantong muda, sampoe án jinoe ulôn kisah buet Droeneueh nyang takAyub luwa biasa nyan. Ya Allah, bék kheueh neutinggai ulôn, sampoe ulôn tuha dan putéh ôk nibak ulée, mangat hase ulôn peusampoe
Zabur 71:17, 18
Droeneueh neubri keu ulôn peundeuritaan nyang lumpah brat, teuma Droeneueh neupeupuléh teunaga ulôn dan neupeubeudôh ulôn dalam jrat. Droeneueh neupeujeuet ulôn leubeh teuhoreumat, dan neuhibô ulôn lom.
Zabur 71:20, 21
Bahpi jiwa raga lôn meutamah leumoh, Droeneueh kheueh teunaga ulôn, ya Allah; Droeneueh kheueh banmandum atra ulôn keu siumu masa.
Zabur 73:26
Keubit that bahgia ureuëng nyang tinggai di Baét Droeneueh, dan jimeuca-e nyanyoe pujo keu Droeneueh tieb-tieb watée. Teungoh awaknyan jijak rot Pantôn Baka, teumpatnyan awaknyan ubah sampoe jeuet keu mata ié, ujeuen nyang phon ié jih meulimpah deungon beureukat.
Zabur 84:5, 7
Meunyoe até ulôn gundah ngon apoh apah, Droeneueh nyang hibô dan peugeumbira.
Zabur 94:19
TUHAN na kheueh teunaga ulôn dan pujaan ulôn, Gobnyan ka geupeuseulamat ulôn.
Zabur 118:14
Jiwa ulôn ka hanco meukeupeng-keupeng keunong keusosahan, neupeukong kheueh ulôn nyang sisuai deungon janji Droeneueh.
Zabur 119:28
Nyoe kheueh nyang peulalo ulôn lam peundeuritaan, bahwa janji Droeneueh nyan teuba ulôn ubak udeb.
Zabur 119:50
Watée ulôn rhot bak apoh apah, Droeneueh nyang peuteun udeb ulôn. Droeneueh nyang lawan musoh lôn nyang teungoh beungéh dan Droeneueh peuseulamat ulôn ngon kuasa Droeneueh.
Zabur 138:7
Dikeue Gobnyan ulôn apoh apah; ulôn peugah laju peue mantong keusosahan lôn ubak Gobnyan.
Zabur 142:3
Sabab Droeneueh jeuet keuteumpat meu-ungsé keu ureuëng nyang leumoh, teumpat nyang aman nibak ureuëng gasien watée meukarat. Droeneueh kheueh peulindong nibak angén badée, teumpat meupayong lé uroe criet nyang meutala. beuliong watée ujeuen teuka,
Nabi Yesaya 25:4
Gobnyan nyang peuteuga ureuëng nyang hék, geubri seumangat keu ureuëng nyang hana meudaya.
Nabi Yesaya 40:29
Teuma ureuëng nyang meuharab ubak TUHAN mantong, ureuëng nyan teuma meuteumé teunaga barô. Awaknyan lagée cicém siwah nyang jipo manyang deungon teunaga sayeub jih. Awaknyan jiplueng dan hana meunyuem hék, awaknyan jijak dan hana jeuet keu leusu.
Nabi Yesaya 40:31
Bék teumakot, sabab Ulôn na meusajan gata, bék gundah, sabab Ulôn na kheueh Po teu Allah gata. Gata Ulôn peukong dan Ulôn tulông, Ulôn peutakteh deungon jaroe Ulôn nyang jaya.
Nabi Yesaya 41:10
Meunyoe bansa Ulôn nyang malang nyan jijak mita ié, dan takue awaknyan tho sabab glaih, teuma Ulôn, TUHAN, Lôn jaweueb doá awaknyan; Po teu Allah Israel hana geutinggai umat Gobnyan.
Nabi Yesaya 41:17
keu teubri keugeumbiraan dan suka cita keu ureuëng nyang teungoh seudeh dan keunong musibah; keuteu ubah seudeh awaknyan jeuet keu ca-e puja ngon pujoe. Awaknyan teuma jeuet lagée bak kayée nyang geupula lé TUHAN keudroe. Awaknyan jipeubuet nyang jroh dan nyang beuna, dan TUHAN jipeuagong teuma.
Nabi Yesaya 61:3
Laju TUHAN Nyang Mahakuasa meufeureuman ubak ulôn, "He Yeremia, sabab awaknyan ka jipeugah haba nyang lagée nyan, awaknyan keunong bala nyang meunurot awaknyan hana teujadi. Ulôn kupeujeuet tutoe haba Lôn lagée apui hu lam babah gata. Bansa nyoe jeuet lagée kayée nyang teutot, dan apui nyan jitot awaknyan sampoe habéh."
Nabi Yeremia 5:14
Sabab, TUHAN hana geutulak geutanyoe siumu masa. Óh ka lheueh Gobnyan geubri peundeuritaan, nibak gobnyan pih na gaséh sayang, sabab Gobnyan teutab geugaséh keu geutanyoe deungon geunaséh nyang hana bataih. Gobnyan hana deungon rila até geupeubiyeu geutanyoe meudeurita dan seudeh.
Peumo Ba-E 3:31-33
Ulôn Lôn peukong umat Ulôn, awaknyan taát dan meubakti ubak Ulôn.
Zechariah 10:12
Sabab nyang peugah haba bak watée nyan kon kheueh gata, teuma Roh Bapak nyang na dalam syeuruga, rot gata.
Matius 10:20
Isa geungieng ateueh awaknyan laju geupeugah, "Nibak manusia, hai nyan hana jitamong lam akai! Teuma nibak Po teu Allah, bandum mungken."
Matius 19:26
Teuma gata meuteumé kuasa, meunyoe Roh Allah ka teuka ubak gata. Dan gata jeuet keu saksi-saksi keu Ulôn di Yerusalem, bansaboh Yudea, di Samaria dan sampoe u ujong bumoe."
Kisah Rasui-Rasui 1:8
Anggota-anggota sidang peungadelan nyan hireuen that-that watée jikalon keubeuranian Petrus ngon Yahya, peuteuk lom awaknyan jiteupeue bahwa mandua droe rasui nyan na kheueh ureuëng-ureuëng biasa nyang hántom jijak beuet. Laju awaknyan sadar bahwa mandua droe rasui nyan na kheueh ureuëng-ureuëng nyang na jiseutôt ngon Isa.
Kisah Rasui-Rasui 4:13
Tanyoe tateupeue bahwa Allah nyang atoe peue-peue mantong, sampoe jipeuhase nyang gét keu ureuëng-ureuëng nyang gaséh Gobnyan dan geuhôi jihnyan saban ngon reuncana Gobnyan.
Roma 8:28
Peu kheueh nyang jeuet teupeugah bak watée nyoe ngon mandum nyan? Meunyoe Allah na blaih geutanyoe, soe nyang hase jilawan tanyoe?
Roma 8:31
Sabab nibak ureuëng nyang jituju ubak keubinasaan, haba keuhai maté Almaseh bak kayée saleb nyan na kheueh haba sulet. Teuma, keugeutanyoe nyang geupeu seulamat lé Po teu Allah, haba nyan na kheueh cara jih Allah geutunyok kuasa Gobnyan.
1 Korintus 1:18
Haba nyang ulôn peutrok bak gata hana ulôn peutrok ngon tutoe nyang meunarek meunurot keubijaksanaan manusia. Ulôn peutrok nyan ngon cara teubri bukeuti bahwa Roh Allah meukuasa. Ulôn peubuet lagée nyan, mangat keupeucayaan gata ubak Almaseh hana meudasai bak keubijaksanaan manusia, teuma meudasai bak kuasa Po teu Allah.
1 Korintus 2:4, 5
Beuaté-até dan waspada kheueh gata dan beukong lam udeb gata sibagoe ureuëng Kristen. Meutindak kheueh ngon beuhe dan beuteuga kheueh.
1 Korintus 16:13
Nibak kamoe hana sapeue alasan pi keuteupeugah bahwa kamoe hase kamoe peubuet buet nyoe, teuma Allah nyang bri keumampuan nyan ubak kamoe.
2 Korintus 3:5
Sinjata-sinjata nyang kamoe peuguna lam peujuangan kamoe kon sinjata donya nyoe, teuma sinjata-sinjata Allah nyang meukuasa. Ngon sinjata-sinjata nyan laju kamoe peuhanco bubena kuta-kuta; kamoe tangkeh bubena dobat-dobat
2 Korintus 10:4
Teuma Tuhan geujaweueb, "Ulôn kugaséh gata dan nyan ka seb keugata; sabab kuasa Ulôn keubiet that teuga meunyoe gata lam keuadaan leumoh." Nyang kheueh sabab jih ulôn leubeh galak lôn peubangga hai-hai lôn nyang leumoh, sabab meunyoe ulôn ka leumoh, dan bak watée nyan kheueh ulôn rasa Almaseh geulindong ulôn ngon teunaga Gobnyan. Ngon lagée nyan ulôn keubiet that galak ateueh keuleumohan lôn nyan. Ulôn biet that mangat até meunyoe lé sabab Almaseh ulôn jifiteunah, ulôn meuteumé susah, jilet-let dan ulôn meuteumé keupayahan. Sabab meunyoe ulôn leumoh, teuma bak watée nyan kheueh ulôn jiteuka teumakot.
2 Korintus 12:9, 10
Ulôn meudoá seumoga Allah nyang mahamulia geutembri teupeukong batén gata ngon Roh Gobnyan.
Efesus 3:16
Akhé jih, bah kheueh gata teuga ngon teunaga nyang gata teumé nibak kuasa Tuhan, sabab gata meusaboh ngon Gobnyan.
Efesus 6:10
Allah keudroe kheueh nyang peuphon buet nyang jroh nyan keu gata, dan ulôn yakén that Gobnyan teuma geupeubuet laju buet nyang lagée nyan sampoe seuleusoe bak Uroe Isa Almaseh geuteuka lom teuma.
Filipi 1:6
Ngon kuasa nyang geubri lé Almaseh keu ulôn, nibak ulôn kana teunaga keu lôn meuhadab ubak peue-peue mantong keuadaan nyang teuka.
Filipi4:13
Sabab Roh Allah nyang geubri ubak geutanyoe, kon kheueh Roh nyang teupeujeuet geutanyoe jeuet keuteumakot. Nyang sibeuna jih, Roh Allah nyan teupeujeuet geutanyoe meutamah teuga, peunoh ngon gaséh sayang dan hase tapeuteun droe.
2 Timotius 1:7
Meunyoe tanyoe teutab tabah, geutanyoe teuma tamat peurintah cit meusajan Gobnyan. Meunyoe geutanyoe taiengkeue keu Gobnyan, Gobnyan pi teuma geuiengkeue keugeutanyoe.
2 Timotius 2:12
Teuma Aneuëk-aneuëk lôn, gata na kheueh milék Allah. Gata ka tapeutalo nabi-nabi peuleusu, sabab Roh nyang na nibak gata leubeh meukuasa nibak roh nyang na nibak ureuëng-ureuëng milék donya nyoe.
1 Yahya 4:4