Supply

Zabur Nabi Daud. Gobnyan geupeu éh ulôn di ateueh blang naleueng nyang ijo. Dan geubimbéng ulôn ubak ié nyang teunang.
Zabur 23:1-2
Horeumat kheueh TUHAN, hai kawöm umat Gobnyan, sabab ureuëng taqwa hana kureueng meusapeue pi.
Zabur 34:10
Watée ulôn muda sampoe ka tuha lagée nyoe, gohlom na ulôn kalon ureuëng nyang jroh geutinggai lé TUHAN, atawa aneuëk cucoe ureuëng nyan jeuet keu ureuëng geumadée.
Zabur 37:25
TUHAN geuék u teumpat nyang paleng manyang; jai that tawanan nyang geuba sajan. Gobnyan geuteurimong peuseumahan lamkawan manusia dan lamkawan kawöm nyang beurontak pih; mangat awaknyan tinggai meusajan deungon TUHAN Allah.
Zabur 68:19
Bék na lamkawan gata jimeu ilah ubak ilah nyang laén, bék kheueh taseumah ubak ilah aséng.
Zabur 81:10
Leubeh get siuroe di Baét Droeneueh nibak siribée uroe di teumpat laén. Ulôn kupiléh jeuet keu ureuëng jaga babah pintoe di Baét Allah ulôn nibak tinggai di rumoh ureuëng jeuhet.
Zabur 84:11
Banmandum makhluk udeb jimeuharab ubak Droeneueh; Droeneueh jok keu awaknyan peunajoh óh trok bak watée. Droeneueh nyang peupeunoh banmandum peue nyang jipeureulée lé awaknyan, sampoe awaknyan hana kureueng bahpi meusapeue pi.
Zabur 145:15b,16
Ureuëng nyang gét sabe lam keuadaan seb, teuma ureuëng jeuhet sabe lam keuadaan kureueng.
Amsal 13:25
Meunyoe gata tatem taát ubak Ulôn, gata teuma tarasa banmandum nyang jroh-jroh nyang na jipeuhase lé nanggroe gata. Teuma meunyoe gata talawan Ulôn, gata maté dimideuen prang. Ulôn, TUHAN, ka Lôn peugah haba."
Nabi Yesaya 1:19, 20
Ulôn Lôn bri beureukat ubak awaknyan dan Lôn bri idhin ubak awaknyan tinggai bak-bak binéh bukét Lôn nyang suci. Ubak awaknyan Ulôn peutron ujeuen meunyoe awaknyan peureulée keu ujeuen.
Yehezkiel 34:26
Jinoenyoe Ulôn teumanyong ubak gata: Peu kheueh manusia jeuet jitipée Allah? Teuntée hana jeuet. Teuma gata teutab tatipée Ulôn. Gata tatanyong, 'Pakriban?' Jaweueb Ulôn: Lam hai teubayeue peuseumahan siper siploh dan teubri seudekah. Bandum bansa jipeungéut Ulôn, teuma gata bandum keunong kutok. Taba kheueh siper siploh gata nyan banmandum u Baét Ulôn mangat na peunajoh nyang meulimpah di teumpat nyan. Ujoe kheueh Ulôn, teuma gata takalon bahwa Ulôn peuhah pintoe-pintoe syeuruga dan Lôn peulimpah gata deungon banmandum nyang gét.
Maleakhi 3:8-10
Bék lagée awaknyan. Bapak gata ka geuteupeue peue nyang gata peureulée, sigohlom gata lakée.
Matius 6:8
Jadi, useuha kheueh leubeh dilée mangat Po teu Allah geupeurintah ateueh udeb gata dan peubuet kheueh keuheundak Gobnyan. Teuma mandum nyang laén teuma geubri lé Allah ubak gata.
Matius 6:33
"Lakée kheueh, gata teuma tateurimong. Mita kheueh, teuma gata meuteumé. Tok-tok kheueh, pintoe teuma jipeuhah keu gata. Sabab ureuëng nyang meulakée teuma jiteurimong; ureuëng nyang mita teuma meuteumé; dan ureuëng nyang tok-tok pintoe, teuma teupeuhah.
Matius 7:7,8
Bah pih gata jeuhet, gata tateupeue cit meuneubri nyang gét keu aneuëk-aneuëk gata. Peu kheueh lom Bapak gata di syeuruga! Gobnyan leubeh lom geubri nyang gét ubak ureuëng nyang meulakée ubak Gobnyan.
Matius 7:11
Peue mantong nyang gata lakée lam doá gata, nyang gata lakée nyan teuma gata teurimong, asai gata meuiman."
Matius 21:22
Óh lheueh nyan Isa geupeugah ubak awaknyan, "Yoh watée dilée, watée Ulôn kirém gata deungon hana Lôn bri idhin gata ba dompet, baluem atawa sipatu, peu kheueh gata na kureueng sapeue-sapeue?" "Hana!" jaweueb awaknyan.
Lukas 22:35
Meunan cit Tuhan ka geupeuteuntée bahwa ureuëng nyang peusampoe Haba Gét nyan harôh meuteumé hareukat nibak buet jih nyan.
1 Korintus - 9:14
Allah nyang ulôn seumah, nyang meulimpah ngon keukayaan lam Isa Almaseh, teuma teupeupeunoh peue-peue nyang gata peureulée.
Filipi 4:19
Sabab nibak cinta ubak péng, jiteuka mubagoe rupa nyang jeuhet. Na siladum ureuëng nyang jitiyeub péng akhé jih ka hana jiturot lé ajaran Kristen, laju awaknyan jiteurimong mubagoe peundeuritaan nyang jipeuhanco até awaknyan.
1 Timotius 6:10
Dan peue nyang tanyoe lakée nibak Gobnyan, meuteumé, sabab geutanyoe taát ubak peue-peue nyang geupeurintah lé Gobnyan dan tapeubuet peue nyang teupeugalak até Gobnyan. 23 Nyang Gobnyan peurintah bak geutanyoe na kheueh: Tanyoe meuseuti tameuiman ubak Aneuëk Gobnyan, na kheueh Isa Almaseh, dan tanyoe bah kheueh saléng tameugaséh, lagée nyang ka geupeurintah lé Isa ubak geutanyoe.
1 Yahya 3:22
Dan tanyoe tajeuet meuhadab ubak Allah, sabab geutanyoe yakén Gobnyan geuteurimong doá tanyoe, meunyoe tanyoe lakée peue mantong nyang sisuai ngon peue nyang sisuai deungon keuheundak Gobnyan. Sabab tanyoe tateupeue bahwa Gobnyan geuteurimong doá tanyoe peue-peue mantong nyang ta lakée, ngon lagée nyan tanyoe pih tateupeue bahwa Gobnyan geubri keugeutanyoe peue mantong nyang tanyoe lakée.
1 Yahya 5:14,15