Love

Peusaneut kheueh ureuëng laén lagée gata meuheuét jipeusaneut lé awaknyan. Nyan kheueh inti huköm Nabi Musa dan ajaran nabi-nabi."
Matius 7:12
Geujaweueb lé Isa, "Cinta kheueh Tuhan Allah gata deungon sipeunoh até gata, deungon sipeunoh jiwa gata, dan deungon silurôh ákai gata. Nyan peurintah nyang paleng phon nyang paleng peunteng! Peurintah nyang keudua saban deungon peurintah nyang phon nyan: Cinta kheueh seusabe gata keudroe lagée gata tacinta keu droe gata keudroe. Bandum huköm agama nyang ka geubri lé Nabi Musa dan ajaran bandum nabi nyan dasai jih nibak bandua huköm nyan."
Matius 22:37-40
Raja nyan teuma geujaweueb, 'Beutateupeu kheueh: watée gata peubuet hai nyan, bahpih ubak salah sidroe nibak syedara-syedara Lôn nyang paleng hina, saban cit nyan gata peubuet ateueh Ulôn!'
Matius 25:40
Sabab Po teu Allah lumpah that geugaséh keu manusia lam donya nyoe, nyang kheueh Gobnyan geubri Aneuëk Gobnyan nyang tunggai, mangat tieb-tieb ureuëng nyang meuiman ubak Gobnyan hana binasa, teuma meuteumé udeb seujati dan keukai.
Yahya 3:16
Peurintah barô Ulôn jok keu gata: Gaséh kheueh sidroe ngon nyang laén. Saban lagée Ulôn gaséh keu gata, meunan cit gata bah kheueh saléng tameugaséh. Meunyoe gata saléng na geunaséh, banmandum ureuëng jiteupeue bahwa gata na kheueh murit-murit Ulôn."
Yahya 13:34, 35
"Meunyoe gata tagaséh keu Ulôn, gata teuma tapeujak peurintah Ulôn.
Yahya 14:15
Ureuëng teurimong peue-peue nyang Ulôn peurintah dan jipeubuet lagée nyang teupeurintah nyan, jihnyan nyang gaséh Ulôn. Bapak Ulôn teuma geugaséh ureuëng nyang gaséh keu Ulôn. Ulôn pi teuma Lôn gaséh keu ureuëng nyan dan Lôn peugah droe Ulôn bak jihnyan." Yudas, (kon Yudas Iskariot) jitanyong bak Isa, "Tuhan, pakon Tuhan neutem peugah droe ubak kamoe dan bukon bak donya nyoe?" Geujaweueb lé Isa, "Ureuëng nyang jigaséh keu Ulôn, teuma jiseutôt peue nyang Ulôn purunoe. Bapak Ulôn teuma geugaséh keu jihnyan. Bapak ngon Ulôn teuma kamoe jak bak jihnyan dan tinggai meusajan jihnyan. Ureuëng nyang hana jigaséh keu Ulôn, hana jiseutôt ajaran Ulôn. Ajaran nyang gata deungoe nyan, kon nibak Ulôn asai jih, teuma nibak Bapak nyang utus Ulôn.
Yahya 14:21-24
Ureuëng nyang paleng jigaséh keu rakan-rakan jih na kheueh ureuëng nyang jibri udeb jih keu awaknyan.
Yahya 15:13
Sabab ulôn peucaya that bahwa bansigom donya, bah kheueh maté meunan cit udeb, bah kheueh malaikat meunan cit nyang mat kuasa, bah kheueh ancaman-ancaman nyang teuka jinoenyoe meunan nyang ancaman nyang teuka singoh atawa teunaga-teunaga nyang laén; bah kheueh hai-hai nyang na di langét, meunan cit hai-hai nyang na lam bumoe atawa peue mantong nyang laén, banmandum nyan hana hase jitam Po teu Allah geugaséh geutanyoe, lagée nyang ka geutunyok rot Isa, Tuhan geutanyoe.
Roma 8:38,39
Gaséh kheueh ngon até nyang ikhlaih. Banci kheueh ubak nyang jeuhet, dan mumat kheueh ubak peue nyang gét.
Roma 12:9
Ngon lagée nyan, bak watée nyoe na lhée boh hai nyang teutab harôh tapeubuet: meuiman, meuharab dan saléng tameugaséh sabe keudroe-droe. Nyang paleng peunteng lam lhée boh nyan na kheueh beutagaséh kheueh keu ureuëng-ureuëng laén.
1 Korintus 13:13
Banmandum nyang gata peubuet, peubuet kheueh ngon gaséh
1 Korintus 16:14
Banmandum huköm agama ka teupeusaboh lam peurintah nyang saboh nyoe, "Bah kheueh gata saléng tameugaséh seusabe gata manusia lagée gata gaséh droe gata keudroe."
Galatia 5:14
Gata meuseuti saba sidroe ngon nyang laén, dan saléng tapeu amphon meunyoe na nyang troh dam ateueh ureuëng laén. Tuhan ngon mangat até geupeu amphon gata, ngon lagée nyan gata pih meuseuti beutateum peu amphon sidroe ngon nyang laén. Dan nyang paleng peunteng na kheueh: Gata meuseuti saléng tameugaséh sabab gaséh nyan kheueh nyang peusaboh Gata banmandum sampoe jeuet keusampoereuna.
Kolose 3:13,14
Leubeh nibak peue-peue nyang na, bah kheueh gata beubiet-biet beutagaséh sidroe ngon nyang laén, sabab deungon na sabe tameugaséh sidroe ngon nyang laén nyan gata pi kasiab cit teuma keu saléng tapeuamphon.
1 Petrus 4:8
Ngon jalan nyoe kheueh tanyoe tateupeue cara tagaséh sabe keudroe-droe: Almaseh ka geupeujok udeb Geuh keu geutanyoe. Sabab nyan, tanyoe pih bah kheueh tapeujok droe tanyoe keu syedara-syedara tanyoe! Meunyoe sidroe ureuëng seb lam udeb jikalon syedara jih kureueng hana sapeue na, teuma hana jitem tulông syedara jih nyan, pakriban ureuëng nyan jeuet jipeugah bahwa jihnyan jigaséh keu Allah? Aneuëk-aneuëk lôn! Bék kheueh tanyoe tapeugah tagaséh teuma bak babah mantong atawa ngon tutoe haba mantong. Bah kheueh tanyoe tameugaséh ngon gaséh nyang seujati, nyang tabri bukeuti ngon buet geutanyoe.
1 Yahya 3:16-18
Syedara-syedara nyang lôn cinta! Jak kheueh geutanyoe saléng tameugaséh sidroe ngon nyang laén, sabab geunaséh nyan asai jih nibak Allah. Ureuëng nyang na gaséh, na kheueh aneuëk Allah dan jihnyan jituri Allah. Ureuëng nyang hana gaséh, ureuëng nyan hana jituri Allah; sabab Allah na kheueh gaséh.
1 Yahya 4:7,8
Syedara-syedara nyang lôn cinta, meunyoe Allah meunan that geugaséh geutanyoe, tanyoe pih harôh tagaséh sidroe ngon nyang laén.
1 Yahya 4:11
Tanyoe geugaséh, sabab Allah ka leubeh ilée geugaséh tanyoe.
1 Yahya 4:19
Sabab nyan, nyoe peurintah nyang geubri lé Almaseh ubak geutanyoe: Barang sibagoe jigaséh Allah harôh jigaséh teuma syedara-syedara jih.
1 Yahya 4:21